Honor 100 Pro : డ్యూయెల్​ సెల్ఫీ కెమెరాలతో హానర్​ 100 ప్రో! ఫీచర్స్​ ఇవేనా?-honor 100 pro likely to launch in november check expected features ,బిజినెస్ న్యూస్
తెలుగు న్యూస్  /  బిజినెస్  /  Honor 100 Pro : డ్యూయెల్​ సెల్ఫీ కెమెరాలతో హానర్​ 100 ప్రో! ఫీచర్స్​ ఇవేనా?

Honor 100 Pro : డ్యూయెల్​ సెల్ఫీ కెమెరాలతో హానర్​ 100 ప్రో! ఫీచర్స్​ ఇవేనా?

Sharath Chitturi HT Telugu
Sep 18, 2023 02:58 PM IST

Honor 100 Pro : హానర్​ నుంచి ఓ కొత్త స్మార్ట్​ఫోన్​ లాంచ్​కు సిద్ధమవుతోంది. దీని పేరు హానర్​ 100 ప్రో అని సమాచారం. ఈ గ్యాడ్జెట్​ ఫీచర్స్​ కొన్ని ఆన్​లైన్​లో లీక్​ అయ్యాయి. ఆ వివరాలు..

హానర్​ 100 ప్రో వచ్చేస్తోంది.. ఫీచర్స్​ లీక్​!
హానర్​ 100 ప్రో వచ్చేస్తోంది.. ఫీచర్స్​ లీక్​! (Representative image)

Honor 100 Pro : చైనాకు చెందిన ప్రముఖ స్మార్ట్​ఫోన్​ తయారీ సంస్థ హానర్​.. మంచి జోరు మీద ఉంది. వరుస పెట్టి కొత్త కొత్త మోడల్స్​ను లాంచ్​ చేస్తోంది. ఇక ఇప్పుడు.. హానర్​ 100 ప్రో పేరుతో మరో గ్యాడ్జెట్​ను సంస్థ సిద్ధం చేస్తున్నట్టు సమాచారం. ఈ నేపథ్యంలో స్మార్ట్​ఫోన్​ ఫీచర్స్​, లాంచ్​ టైమ్​ ఆన్​లైన్​లో లీక్​ అయ్యాయి. వాటిపై ఓ లుక్కేద్దాము..

హానర్​ 100 ప్రో ఫీచర్స్​ ఇవేనా..?

హానర్​ నుంచి వస్తున్న కొత్త స్మార్ట్​ఫోన్​లో 120 హెజ్​జెడ్​తో కూడిన అమోలెడ్​ డిస్​ప్లే ఉంటుందని ప్రముఖ టిప్​స్టర్​ డిజిటల్​ చాట్​ స్టెషన్​ పేర్కొంది. 1.5కే రిసొల్యూషన్​ ఇందులో ఉండొచ్చని వెల్లడించింది. క్వాల్కమ్​ స్నాప్​డ్రాగన్​ 8 జెన్​ 2 ఎస్​ఓసీ ప్రాసెసర్​ లభించొచ్చు.

Honor 100 Pro price : ఆన్​లైన్​లో లీక్​ అయిన డేటా ప్రకారం.. హానర్​ 100 ప్రోలో డ్యూయెల్​ ఫ్రెంట్​ ఫేసింగ్​ కెమెరా ఉండొచ్చు. వచ్చే నెలలో ఈ గ్యాడ్జెట్​కు చెందిన టెస్టింగ్​ జరగుతుంది. అన్ని అనుకున్నట్టే జరిగితే.. ఈ మోడల్​ను ఈ ఏడాది నవంబర్​ తొలినాళ్లల్లో లాంచ్​ చేయాలని సంస్థ భావిస్తున్నట్టు తెలుస్తోంది.

ఇదీ చూడండి:- HONOR V Purse : వావ్​.. ఇది పర్సులా ఉండే ఫోల్డెబుల్​ స్మార్ట్​ఫోన్!

ఈ గ్యాడ్జెట్​కు సంబంధించిన ఇతర ఫీచర్స్​, లాంచ్​ డేట్​, ధర వంటి వివరాలపై ప్రస్తుతం క్లారిటీ లేదు. వీటిపై సంస్థ అధికారిక ప్రకటన చేయాల్సి ఉంది.

ఇండియాలో హానర్​ 90 సేల్​ షురూ..

Honor 90 price in India : మరోవైపు.. చైనా మార్కెట్​లో హానర్​ 90ని కొన్ని నెలల క్రితం లాంచ్​ చేసిన స్మార్ట్​ఫోన్​ తయారీ సంస్థ.. ఇండియాలోకి కూడా ఈ మోడల్​ను తీసుకొచ్చింది. తాజాగా.. ఈ డివైజ్​ సేల్​ ప్రారంభమైంది. హానర్​ 90లో ఫుల్​ హెచ్​డీ+ రిసొల్యూషన్​తో కూడిన 6.7 ఇంచ్​ అమోలెడ్​ డిస్​ప్లే ఉంటుంది. డైమండ్​ సిల్వర్​, మిడ్​నైట్​ బ్లాక్​, ఎమరాలడ్​ గ్రీన్​ కలర్స్​లో అందుబాటులోకి వచ్చింది. ఇక ఈ స్మార్ట్​ఫోన్​ రేర్​లో 200ఎంపీ ప్రైమరీ, 12ఎంపీ అల్ట్రా వైడ్​, 2ఎంపీ డెప్త్​ సెన్సార్​లు ఉన్నాయి. సెల్ఫీ కోసం ఫ్రెంట్​లో 50ఎంపీ కెమెరా వస్తుండటం హైలైట్​. ఇందులో స్నాప్​డ్రాగన్​ 7 జెన్​ 1 చిప్​సెట్​ ఉంటుంది. 12జీబీ ర్యామ్​, 512 జీబీ స్టోరేజ్​ దీని సొంతం. ఆండ్రాయిడ్​ 13 ఆధారిత మ్యాజిక్​ఓఎస్​ 7.1 సాఫ్ట్​వేర్​పై ఇది పనిచేస్తుంది. ఇతర వివరాల కోసం ఇక్కడ క్లిక్​ చేయండి.

WhatsApp channel

సంబంధిత కథనం