Best sedan in India : మిడిల్​ క్లాస్​ వారి ముందు 2 బెస్ట్​ సెడాన్​ ఆప్షన్స్​- మరి ఏది వాల్యూ ఫర్​ మనీ?

భారతదేశంలో విడుదలైన హోండా అమేజ్, మారుతీ సుజుకీ డిజైర్ సబ్ కాంపాక్ట్ సెడాన్లు దాని ప్రత్యర్థులు హ్యుందాయ్ ఆరా, టాటా టిగోర్ మిస్ అయిన అనేక ఫీచర్లను అందిస్తాయి. రెండు సెడాన్లకు సంబంధించిన అప్డేటెడ్​ వర్షెన్లు కొన్ని వారాల వ్యవధిలో లాంచ్​ అయ్యాయి. గత రెండు సంవత్సరాలుగా అమ్మకాలు క్షీణించిన సెగ్మెంట్​ని పునరుజ్జీవింపజేయాలని లక్ష్యంగా ఇవి బయటకు వచ్చాయి. మరి​ అమేజ్, డిజైర్​లో ఫీచర్ల పరంగా ఏది బెస్ట్​? ఏది వాల్యూ ఫర్​ మనీ? వంటి వివరాలను ఇక్కడ తెలుసుకుందాము..

మారుతీ సుజుకీ డిజైర్​తో పోల్చితే అమేజ్​కు ఎడ్జ్ ఇచ్చే ఐదు ఫీచర్లు..

హోండా కార్స్ అమేజ్ సెడాన్​ను దాని డిజైన్, ఫీచర్లు, టెక్నాలజీలో అనేక మార్పుల చేసి అప్​డేట్ చేసింది. కొత్త అమేజ్​లో హోండా సిటీ, హోండా ఎలివేట్ పోలి ఉండే ఎక్స్​టీరియర్​ డిజైన్​ కనిపిస్తుంది.

కొత్త మారుతీ సుజుకీ డిజైర్​ లేనిది, హోండా అమేజ్​ ఫేస్​లిఫ్ట్​లో కనిపించే కీలక ఫీచర్​.. అడ్వాన్స్​డ్ డ్రైవర్ అసిస్టెంట్ సిస్టమ్ (ఏడీఏఎస్). అమేజ్ ప్రస్తుతం భారతదేశంలో రూ .10 లక్షల లోపు ఏడీఏఎస్ అందించే అత్యంత సరసమైన కారు. ఈ ఫీచర్ ఈ విభాగంలో మొదటిది.

డిజైర్ లోపల కనిపించే అనలాగ్ ఎంఐడీకి బదులుగా అమేజ్​లో సెమీ-డిజిటల్ డ్రైవర్ డిస్​ప్లే ఉంటుంది. కొత్త డిస్​ప్లే 7 ఇంచ్​ ఉంటుంది. ఏడీఏఎస్ ఫీచర్లతో సహా అనేక డ్రైవ్ సంబంధిత సమాచారాన్ని అందిస్తుంది.

ఏడీఏఎస్ ఉన్నప్పటికీ, కొత్త హోండా అమేజ్ 360 డిగ్రీ కెమెరా వంటి కీలక భద్రతా ఫీచర్​ని కోల్పోయింది. దీనికి బదులుగా, కార్ల తయారీదారు ఓఆర్​వీఎంఎస్​ లేన్-వాచ్ కెమెరాను జోడించింది. టర్న్ తీసుకునేటప్పుడు డ్రైవ్​కు సహాయపడటానికి కెమెరాలు టచ్​స్క్రీన్ డిస్​ప్లేలో ఔట్​పుట్​ను అందిస్తాయి.

హోండా కొత్త అమేజ్​ సెడాన్​లో ప్యాడిల్ షిఫ్టర్లను కూడా ప్రవేశపెట్టింది. ఇది దాని సీవీటీ ట్రాన్స్​మిషన్ యూనిట్​పై మాన్యువల్ కంట్రోల్​ను అందిస్తుంది. ఈ సెడాన్ 416 లీటర్ల పెద్ద బూట్ స్పేస్​ని కూడా అందిస్తుంది. ఇది కొత్త డిజైర్ అందించే దానికంటే 34 లీటర్లు ఎక్కువే!

హోండా అమేజ్​తో పోల్చితే డిజైర్​కు ఎడ్జ్ ఇచ్చే ఐదు ఫీచర్లు..

కొత్త అవతారంలో మారుతీ సుజుకీ డిజైర్ డిజైన్, ఫీచర్లు, టెక్నాలజీ పరంగా చాలా మార్పులతో వస్తుంది. సెడాన్ ఫ్రెంట్​ ఫేస్​ మారింది. దాని ప్రధాన ప్రత్యర్థి మిస్ అయిన కొన్ని ఫీచర్లు, టెక్నాలజీని జోడించింది. ఎలక్ట్రిక్ సన్​రూఫ్ అనేది డిజైర్ సెగ్మెంట్​లోని అన్ని ప్రత్యర్థులను అధిగమించే ఒక ఫీచర్! సబ్-ఫోర్ మీటర్ల సెడాన్​లో ఈ ఫీచర్​ని అందించడం ఇదే మొదటిసారి.

సన్​రూఫ్ తో పాటు, డిజైర్ 360 డిగ్రీల కెమెరా, టైర్ ప్రెజర్ మానిటరింగ్ సిస్టమ్ వంటి కీలక భద్రతా ఫీచర్లను కూడా అందిస్తుంది. కొత్త అమేజ్ సెడాన్​లో ఈ రెండు ఫీచర్లు లేవు! 360 డిగ్రీల కెమెరాను మారుతీ గతంలో కొత్త తరం స్విఫ్ట్​లో ప్రవేశపెట్టిన తరువాత డిజైర్​కి కూడా తీసుకొచ్చింది.

పెద్ద టచ్​స్క్రీన్​ ఇన్ఫోటైన్మెంట్ సిస్టమ్ కారణంగా డిజైర్ సెడాన్ కొనుగోలుదారులకు కొంచెం ఆకర్షణీయంగా ఉంటుంది. ఫ్లోటింగ్ 9 ఇంచ్​ డిస్​ప్లే కొత్త అమేజ్​లో అందించిన డిస్​ప్లే కంటే ఒక అంగుళం పెద్దదే! డిస్​ప్లే వైర్లెస్ యాపిల్ కార్​ప్లే, ఆండ్రాయిడ్ ఆటోకు అనుకూలంగా ఉంటుంది. కనెక్టెడ్ యాప్స్​ని కూడా అందిస్తుంది.

కొత్త అమేజ్ కంటే మారుతీ సుజుకీ డిజైర్ పొందే ఐదొవ కీలక ఫీచర్​ యాంబియంట్ లైటింగ్! ఈ ఫీచర్ ను హోండా అమేజ్ 2024 లో జోడించలేదు.

మారుతీ సుజుకీ డిజైర్​ ఫేస్​లిఫ్ట్​ ప్రారంభ ఎక్స్​షోరూం ధర రూ. 6.79లక్షలు. హోండా అమేజ్​ ఫేస్​లిఫ్ట్​ ప్రారంభ ధర రూ. 7.99లక్షలు.