Personal loan tips : అతి తక్కువ క్రెడిట్ స్కోర్ ఉంటే.. పర్సనల్ లోన్ ఇస్తారా?
Personal loan tips : తక్కువ క్రెడిట్ స్కోర్తో పర్సనల్ లోన్ రాదేమో అని బాధపడుతున్నారా? అయితే ఇది మీకోసమే! అతి తక్కువ క్రెడిట్ స్కోర్తో కూడా పర్సనల్ లోన్ ఎలా తీసుకోవాలి? వంటి వివరాలను ఇక్కడ తెలుసుకోండి..
ఆర్థిక అవసరాల కోసం పర్సనల్ లోన్ తీసుకోవాలని చూస్తున్నారా? కానీ మీ క్రెడిట్ స్కోర్ చాలా తక్కువగా ఉందా? మీకు లోన్ రాదని భయపడుతున్నారా? అయితే ఇది మీకోసమే! 450 క్రెడిట్ స్కోర్తో లోన్ తీసుకోవచ్చా? వంటి ప్రశ్నలకు సమధానంతో పాటు పూర్తి వివరాలను ఇక్కడ తెలుసుకోండి..
క్రెడిట్ స్కోర్ ఎంటే ఏంటి? ఎంత ఉండాలి?
క్రెడిట్ స్కోర్ అనేది ఆర్బీఐ అధీకృత క్రెడిట్ బ్యూరోలు జారీ చేసే 3 అంకెల స్కోరు. ఇది సాధారణంగా 300 నుంచి 900 మధ్య ఉంటుంది. ఈ క్రెడిట్ స్కోర్లు మీ స్పెండింగ్ హాబిట్స్, కాలక్రమేణా పెరిగే మీ క్రెడిట్ హిస్టరీని ప్రతిబింబిస్తాయి.
మీకు తక్కువ క్రెడిట్ స్కోర్ ఉంటే, మీరు రెగ్యులర్- క్రమశిక్షణ లేని రుణగ్రహీత అని, మీ మునుపటి రుణాలను డిఫాల్ట్ చేసి ఉంటారని అర్థమవుతుంది. అందువల్ల, తక్కువ క్రెడిట్ స్కోరు ఉంటే తక్కువ వడ్డీ రేటుతో రుణం పొందే అవకాశాలను కోల్పోవచ్చు. ఎందుకంటే మీరు సకాలంలో రుణం తిరిగి చెల్లిస్తారా? లేదా? అనే డౌట్ లోన్ ఇచ్చే వారికి ఉంటుంది.
| క్రెడిట్ స్కోరు | రేటింగ్ |
| 300-500 | Poor |
| 550-600 | Average |
| 650-750 | Good |
| 750-900 | Excellent |
450 క్రెడిట్ స్కోర్తో మీరు పర్సనల్ లోన్ పొందొచ్చా?
ఈ ప్రశ్నకు సాధారణ సమాధానం యెస్! ఈ క్రెడిట్ స్కోర్తోనూ పర్సనల్ లోన్ పొందొచ్చు. క్రెడిట్ స్కోర్ 450 అంటే మీకు అధిక క్రెడిట్ యుటిలైజేషన్ రేషియోతో పేలవమైన క్రెడిట్ స్కోర్ ఉందని, ఈఎంఐలు లేదా క్రెడిట్ కార్డ్ బిల్లులను తిరిగి చెల్లించేటప్పుడు మీరు జాప్యం చేసి ఉండొచ్చు, లేదా అసలే చెల్లించకపోయి ఉండొచ్చని అర్థమవుతుంది.
అప్పటికీ, మీరు ఈ సందర్భంలో వ్యక్తిగత రుణాన్ని పొందవచ్చు. కొన్ని రుణదాతలు మీకు పర్సనల్ లోన్ ఇవ్వవచ్చు. అయితే, వడ్డీ రేటు చాలా ఎక్కువగా ఉంటుంది. తక్కువ రీపేమెంట్ వ్యవధి ఉంటుంది. కొన్ని సందర్భాల్లో, పూచీకత్తు ఇవ్వమని కూడా మిమ్మల్ని అడగవచ్చు. అందువల్ల, అటువంటి సందర్భాల్లో ఈఎమ్ఐ చాలా ఎక్కువగా ఉంటుందని గుర్తుపెట్టుకోవాలి..
450 క్రెడిట్ స్కోర్తో లోన్ పొందడం ఎలా?
సెక్యూర్డ్ లోన్ తీసుకోండి: పూచీకత్తుతో సెక్యూర్డ్ లోన్ పొందడం వల్ల వ్యక్తిగత రుణం పొందే అవకాశాలను మెరుగుపడుతుంది. ఎందుకంటే ఇది రుణదాతకు భద్రతను అందిస్తుంది. సాధారణ పర్సనల్ లోన్తో పోలిస్తే సెక్యూర్డ్ లోన్లపై తక్కువ వడ్డీ రేట్లు ఉంటాయి.
స్థిరమైన ఆదాయాన్ని చూపించండి: మీకు క్రమం తప్పకుండా ఆదాయం, స్థిరమైన ఉపాధి ఉందని మీరు నిరూపించగలిగితే, ఇది మీ క్రెడిట్ అర్హతను చూపించడానికి, మీరు సకాలంలో రుణాన్ని తిరిగి చెల్లించగల సామర్థ్యాన్ని చూపించడంలో సహాయపడుతుంది. దీనితో పాటు మీరు మీ ప్రొఫైల్ని మరింత బలోపేతం చేయడానికి మీ పెట్టుబడులు, ఆస్తులను కూడా వెల్లడించవచ్చు.
హామీదారుడితో అప్లై చేయండి: అధిక ఆదాయంతో పాటు మెరుగైన క్రెడిట్ స్కోర్ ఉన్న హామీదారుడితో కూడా మీరు రుణం కోసం దరఖాస్తు చేసుకోవచ్చు. ఇది మీ ప్రొఫైల్ని రుణదాతకు మరింత బలంగా, మరింత సురక్షితంగా కనిపించేలా చేస్తుంది.
చిన్న రుణాలను ఎంచుకోండి: చిన్న రుణ మొత్తానికి దరఖాస్తు చేయడం కూడా మీ అవకాశాలను మెరుగుపరుస్తుంది. ఎందుకంటే ఈ విధంగా రుణదాతకు సకాలంలో డబ్బును తిరిగి పొందడానికి తక్కువ రిస్క్ ఫ్యాక్టర్ ఉంటుంది. అదే సమయంలో క్రెడిట్ స్కోర్ని పెంచడం ద్వారా రుణాన్ని తిరిగి చెల్లించడం మీకు తక్కువ భారం అవుతుంది.
మీరు ఎల్లప్పుడూ మీ క్రెడిట్ స్కోర్ పట్ల చాలా జాగ్రత్తగా ఉండాలి. ఎందుకంటే ఇది తక్కువ వడ్డీ రేట్లు, మీరు కోరుకున్న రుణ మొత్తాన్ని ఎటువంటి ఆటంకం లేకుండా పొందడంలో మీకు సహాయపడుతుంది. తక్కువ క్రెడిట్ స్కోర్తో మీరు వ్యక్తిగత రుణ ఆఫర్లను పొందవచ్చు. అయితే తొలుత ఈఎంఐని భరించేంత సామర్థ్యం మీకు ఉందో లేదో నిర్ణయించుకోవాలి. ఇలా చేస్తే ఆర్థిక ఇబ్బందుల్లో పడరు.
(గమనిక: పర్సనల్ లోన్ తీసుకోవడం వల్ల రిస్క్ ఉంటుందని గుర్తుపెట్టుకోండి.)
సంబంధిత కథనం