Budget 2024: ఆదాయ పన్నుకు సంబంధించి ఈ 6 విషయాలు గుర్తు పెట్టుకోండి..-budget 2024 six income tax rule changes that fm sitharaman announced last year ,బిజినెస్ న్యూస్
తెలుగు న్యూస్  /  బిజినెస్  /  Budget 2024: ఆదాయ పన్నుకు సంబంధించి ఈ 6 విషయాలు గుర్తు పెట్టుకోండి..

Budget 2024: ఆదాయ పన్నుకు సంబంధించి ఈ 6 విషయాలు గుర్తు పెట్టుకోండి..

HT Telugu Desk HT Telugu
Jan 05, 2024 02:02 PM IST

Budget 2024: కేంద్ర ఆర్థిక మంత్రి నిర్మలా సీతారామన్ 2024-25 మధ్యంతర బడ్జెట్ ను ఫిబ్రవరి 1, 2024 న ప్రవేశపెట్టనున్నారు. రాబోయే లోక్ సభ ఎన్నికల కారణంగా మధ్యంతర బడ్జెట్ ను ప్రవేశపెడ్తున్న దృష్ట్యా ఈ సారి బడ్జెట్ లో కీలక ప్రకటనలు ఉండకపోవచ్చు.

ప్రతీకాత్మక చిత్రం
ప్రతీకాత్మక చిత్రం

Budget 2024: గత సంవత్సరం ఫిబ్రవరి 1వ తేదీన కేంద్ర బడ్జెట్ ను ప్రవేశపెడ్తున్న సమయంలో ఆర్థిక మంత్రి నిర్మల సీతారామన్ పలు కీలకమైన ప్రకటనలు చేశారు. ఆదాయ పన్నుకు సంబంధించిన కీలక అంశాలు కూడా అందులో ఉన్నాయి.

పన్ను రిబేట్ పరిమితి పెంపు

కొత్త పన్ను విధానంలో రిబేట్ పరిమితిని రూ .7 లక్షలకు పెంచారు. అంటే కొత్త పన్ను విధానంలో రూ .7 లక్షల వరకు ఆదాయం ఉన్న వ్యక్తులు ఎటువంటి పన్ను చెల్లించాల్సిన అవసరం లేదు.

2. ఆదాయపు పన్ను శ్లాబుల్లో మార్పులు

కొత్త విధానంలో పన్ను చెల్లింపుదారులందరికీ పెద్ద ఉపశమనం కలిగించే ఉద్దేశంతో, కొత్త వ్యక్తిగత పన్ను విధానంలో శ్లాబుల సంఖ్యలో మార్పులు చేశారు. ఆదాయ పన్ను శ్లాబుల సంఖ్యను ఐదుకు తగ్గించారు. అలాగే, పన్ను మినహాయింపు పరిమితిని రూ .3 లక్షలకు పెంచారు.

ఆదాయం - పన్ను శాతం

0-3 లక్షలు - 0%

3-6 లక్షలు - 5%

5.6-9 లక్షలు - 10%

10.9-12 లక్షలు - 15%

15.12-15 లక్షలు - 20%

15 లక్షలకు పైబడి - 30%

3) స్టాండర్డ్ డిడక్షన్ బెనిఫిట్

కొత్త పన్ను విధానంలో వేతన జీవులు, కుటుంబ పెన్షనర్లతో సహా పెన్షనర్లకు ప్రామాణిక తగ్గింపు ప్రయోజనాన్ని (Standard deduction benefit) విస్తరించారు. వేతన జీవులు రూ.50,000 స్టాండర్డ్ డిడక్షన్ ప్రయోజనం, పెన్షనర్లు రూ.15,000 స్టాండర్డ్ డిడక్షన్ ప్రయోజనం పొందుతారు.

4) అత్యధిక సర్ చార్జ్ రేటు తగ్గింపు

కొత్త పన్ను విధానంలో అత్యధిక సర్ చార్జ్ రేటును గత బడ్జెట్ లో 37% నుంచి 25 శాతానికి తగ్గించారు. రూ. 2 కోట్ల పైబడిన వ్యక్తిగత ఆదాయం ఉన్నవారికి ఈ సర్ చార్జ్ వర్తిస్తుంది. దీంతో, వ్యక్తిగత ఆదాయపు పన్ను గరిష్ఠ పన్ను రేటు 42.74 శాతం నుంచి 39 శాతానికి తగ్గనుంది.

5) లీవ్ ఎన్ క్యాష్ మెంట్ పై పన్ను మినహాయింపు

ప్రభుత్వేతర వేతన ఉద్యోగులు పదవీ విరమణ సందర్భంగా పొందే లీవ్ ఎన్ క్యాష్ మెంట్ ప్రయోజనంపై పన్ను మినహాయింపు పరిమితిని రూ .3 లక్షల నుంచి రూ .25 లక్షలకు పెంచారు.

6) కొత్త ఆదాయపు పన్ను విధానం డిఫాల్ట్ పన్ను విధానం

కొత్త ఆదాయపు పన్ను విధానాన్ని డిఫాల్ట్ పన్ను విధానంగా మార్చారు. అయితే, పన్ను చెల్లింపుదారులు కోరుకుంటే, పాత పన్ను విధానంలో కొనసాగే అవకాశం కూడా ఇచ్చారు.

WhatsApp channel