Electric car : సింగిల్​ ఛార్జ్​తో హైదరాబాద్​ టు వైజాగ్​ ట్రిప్​- ఈ కొత్త ఎలక్ట్రిక్​ కారులో సూపర్​ రేంజ్​!

దిగ్గజ ఆటోమొబైల్​ సంస్థ హ్యుందాయ్​.. సరికొత్త ఎలక్ట్రిక్​ ఎస్​యూవీని లాంచ్​ చేసింది. దీని పేరు హ్యుందాయ్​ ఐయానిక్​ 9. ఇదొక 3-రో ఈవీ. ఐయానిక్​ 5, ఐయానిక్​ 6తో సహా కొత్త తరం ఎలక్ట్రిక్ కార్లకు మద్దతు ఇచ్చే కొత్త ఈ-జీఎంపీ ప్లాట్​ఫామ్​పై ఈ కొత్త కారును రూపొందించింది. హ్యుందాయ్ 2025 ప్రథమార్ధంలో దక్షిణ కొరియా, యూఎస్​ఏలో మొదట ఐయానిక్​9ను విడుదల చేయనుంది. ఇండియా లాంచ్​పై ఇంకా అప్డేట్​ రాలేదు. ఇక ఈ మోడల్​కి సంబంధించిన వివరాలను ఇక్కడ చూడండి..

హ్యుందాయ్ ఐయానిక్​ 9: అతిపెద్ద కొరియన్ ఈవీ?

హ్యుందాయ్ ఎలక్ట్రిక్ వాహనాల్లో ఐయానిక్​ 9 అతిపెద్దది! 3,130 ఎంఎం పొడవైన వీల్​బేస్​ను అందిస్తుంది. ఈవీ మొదటి, రెండొవ వరుసలను పూర్తిగా రెక్లైన్ చేసే ఎంపికతో ఆరు- ఏడు సీట్ల కాన్ఫిగరేషన్లను అందిస్తుంది. 

హ్యుందాయ్ ఐయానిక్​ 9: ఫీచర్లు

ఐయానిక్​ 9లో ప్రయాణీకులను ఆకట్టుకునే అనేక ఫీచర్లు ఉన్నాయి. పనోరమిక్ కర్వ్డ్ డిస్ప్లేలో భాగమైన 12 ఇంచ్​ టచ్​స్క్రీన్​ ఇన్ఫోటైన్మెంట్ సిస్టమ్, 12 ఇంచ్​ డిజిటల్ డ్రైవర్ డిస్ప్లే కూడా ఉంది. 14 స్పీకర్లతో కూడిన బోస్ ప్రీమియం సౌండ్ సిస్టమ్, 5.1 ఛానల్ సరౌండ్ సౌండ్​తో అడ్వాన్స్​డ్ మల్టీమీడియా యూనిట్ ఇందులో ఉన్నాయి. ఐయానిక్​ 9లో ఈ-యాక్టివ్ సౌండ్ డిజైన్ కూడా ఉంది. ఇది ఈవీ వర్చువల్ డ్రైవింగ్ సౌండ్​ని ఉత్పత్తి చేయడానికి కారు సౌండ్ సిస్టమ్​ని ఉపయోగిస్తుంది.

సెగ్మెంట్​ ఫస్ట్​ రిలాక్సేషన్ సీట్లు హ్యుందాయ్​ ఐయానిక్​ 9లో ఉన్నాయి. డైనమిక్ బాడీ కేర్ సిస్టమ్​ని కలిగి ఉంది. ఇందులో మసాజ్ ఫంక్షనాలిటీ కూడా ఉంటుంది. ఐయానిక్​ 9 రెండొవ వరుసలో స్వివెల్ సీట్లతో ప్రత్యేకంగా నిలుస్తుంది.

యూనివర్సల్ ఐలాండ్ 2.0 అనే కన్సోల్​ను కలిగి ఉన్న ఈ ఎలక్ట్రిక్ ఎస్​యూవీ ఆకట్టుకునే స్టోరేజ్​ను కూడా అందిస్తుంది. ముందు వరుస సీటింగ్ అమరికలో ప్రాప్యత, సౌకర్యాన్ని పెంచే ఈ కన్సోల్ ముందు- వెనుక నుంచి తెరవగల టూ-వే ఆర్మ్​రెస్ట్​ కూడా కలిగి ఉంది.

మూడొవ వరుస సీట్లను మడతపెట్టినప్పుడు, బూట్ 1,323 లీటర్ల వరకు ఉంటుంది. మూడు వరుసలు ఓపెన్ పొజిషన్​లో ఉన్నప్పుడు, ఇది 620 లీటర్ల వరకు సాధారణ బూట్ స్పేస్​ను అందిస్తుంది. రియర్ వీల్ డ్రైవ్ ఆప్షన్​లో ఫ్రంట్ బూట్ 88 లీటర్లు, ఫోర్ వీల్ డ్రైవ్ ఆప్షన్​లో 52 లీటర్లు ఉంది.

హ్యుందాయ్ ఐయానిక్​ 9: రేంజ్, బ్యాటరీ, ఛార్జింగ్

హ్యుందాయ్ ఐయానిక్​ 9 కొరియా ఆటో దిగ్గజం తయారు చేసిన ఏ కారులోనైనా అతిపెద్ద ఈవీ బ్యాటరీని కలిగి ఉంది! 110.3 కిలోవాట్ల బ్యాటరీ ప్యాక్ ఈ ఎలక్ట్రిక్ ఎస్​యూవీని రీఛార్జ్ చేయాల్సిన అవసరం లేకుండా దాదాపు 620 కిలోమీటర్లు నడపడానికి సహాయపడుతుంది. హ్యుందాయ్ ఐయానిక్​ 9.. 350 కిలోవాట్ల ఛార్జర్​ను సపోర్ట్ చేస్తుందని, కేవలం 24 నిమిషాల్లో 10 శాతం నుంచి 80 శాతం వరకు రీఛార్జ్ అవుతుందని సంస్థ తెలిపింది.

పవర్ అవుట్ పుట్ 215 బీహెచ్​పీ నుంచి 492 బీహెచ్​పీ మధ్య, వేరియంట్​ని బట్టి ఉంటుంది. పర్ఫార్మెన్స్ మోడల్ కేవలం 5.2 సెకన్లలో 0 నుంచి 100 కిలోమీటర్ల వేగాన్ని అందుకుంటుంది. లాంగ్ రేంజ్ ఏడబ్ల్యూడీ వేరియంట్ 6.7 సెకన్లలో ఈ స్పీడ్​ని అందుకుంటుంది. లాంగ్ రేంజ్ ఆర్​డబ్ల్యూడీ వెర్షన్ ఈ స్పీడ్​ని 9.4 సెకన్లలో అందుకోగలదు.