Bajaj Pulsar N160 vs Pulsar NS160 : పల్సర్​ ఎన్​160 వర్సెస్​ ఎన్​ఎస్​160.. ది బెస్ట్​ ఏది?

Bajaj Pulsar N160 vs Pulsar NS160 : 2 వీలర్​ సెగ్మెంట్​లో బజాజ్​కు మంచి దేశవ్యాప్తంగా మంచి డిమాండ్​ ఉంది. అందుకు తగ్గట్టుగానే కొత్త కొత్త మోడల్స్​తో కస్టమర్లను ఆకర్షిస్తుంది ఈ దిగ్గజ ఆటో సంస్థ. ఇక బజాజ్​ మోడల్స్​లో..​ పల్సర్​ ఎన్​160, పల్సర్​ ఎన్​ఎస్​160కి క్రేజ్​  చాలా ఎక్కువగా ఉంది. పేర్లు ఒకే విధంగా ఉండటంతో ఈ రెండు ఒకటే అని చాలా మంది అనుకుంటూ ఉంటారు. కానీ ఈ రెండు బైక్స్​లో కాస్త వ్యత్యాసం కనిపిస్తుంది. ఈ నేపథ్యంలో.. బజాజ్​​ పల్సర్​ ఎన్​160, ఎన్​ఎస్​160ని పోల్చి.. రెండింట్లో ది బెస్ట్​ ఏదో తెలుసుకుందాము..

బజాజ్​ పల్సర్​ ఎన్​160 వర్సెస్​ పల్సర్​ ఎన్​ఎస్​160- లుక్స్​.. ఫీచర్స్​

పల్సర్​ ఎన్​ఎస్​160తో పోల్చుకుంటే.. పల్సర్​ ఎన్​160 కాస్త మాడెర్న్​గా కనిపిస్తుంది. పల్సర్​ ఎన్​160 డిజైన్​.. పల్సర్​ ఎన్​250తో పోలి ఉంటుంది. పల్సర్​ ఎన్​ఎస్​160.. పల్సర్​ ఎన్​ఎస్​200తో పోలి ఉంటుంది.

Bajaj Pulsar N160 price in Hyderbad : ఇక ఫీచర్స్​ విషయానికొస్తే.. పల్సర్​ ఎన్​ఎస్​160తో పోల్చుకుంటే.. ఎన్​160 కొంచెం బెటర్​గా ఉంటుంది. ఎన్​160లో ఎల్​ఈడీ ప్రొజెక్టర్​ హెడ్​ల్యాంప్​, కొత్త సెమీ డిజిటల్​ ఇన్​స్ట్రుమెంట్​ క్లస్టర్​ ఉన్నాయి. సైడ్​ స్టాండ్​ కటాఫ్​తో పాటు యూఎస్​బీ ఛార్జర్​ కూడా లభిస్తోంది.

బజాజ్​ పల్సర్​ ఎన్​160 వర్సెస్​ పల్సర్​ ఎన్​ఎస్​160- ఇంజిన్​..

ఇంజిన్​ విషయానికొస్తే.. ఈ రెండింట్లోనూ కాస్త వ్యత్యాసం కనిపిస్తుంది. రెండింట్లోనూ సింగిల్​ సిలిండర్​ యూనిట్స్​తో పాటు ఎయిర్​ ఆయిల్​ కూలింగ్​ సెటప్​ ఉన్నాయి. కానీ పల్సర్​ ఎన్​160లో 2- వాల్వ్​ సెటప్​ ఉంటుంది. ఇది.. 8,750 ఆర్​పీఎం 15.78బీహెచ్​పీ పవర్​ను, 6,750 ఆర్​పీఎం వద్ద 14.65ఎన్​ఎం టార్క్​ను జనరేట్​ చేస్తుంది.

Honda Activa 125 vs Suzuki Access 125 : హోండా యాక్టివా వర్సెస్​ సుజుకీ ఏసెస్​.. ది బెస్ట్​ ఏదో తెలుసుకునేందుకు ఇక్కడ క్లిక్​ చేయండి.

Bajaj Pulsar NS160 price in Hyderabad : మరోవైపు పల్సర్​ ఎన్​ఎస్​160లో 4- వాల్వ్​ సెటప్​ ఉంటుంది. ఇది.. 9000 ఆర్​పీఎం వద్ద 16.96 బీహెచ్​పీ పవర్​ను, 7,200 ఆర్​పీఎం వద్ద 14.6ఎన్ఎం టార్క్​ను జనరేట్​ చేస్తుంది.

బజాజ్​ పల్సర్​ ఎన్​160 వర్సెస్​ పల్సర్​ ఎన్​ఎస్​160- ధర..

ఇండియా మార్కెట్​లో పల్సర్​ ఎన్​160 డ్యూయెల్​ ఛానెల్​ ఏబీఎస్​ ధర రూ. 1.30లక్షలుగా ఉంది. సింగిల్​ ఛానెల్​ ఏబీఎస్​ ధర రూ. 1.23లక్షలుగా ఉంది. ఇక పల్సర్​ ఎన్​ఎస్​160 ధర రూ. 1.25లక్షలుగా ఉంది. పైన చెప్పిన ధరలు ఎక్స్​షోరూం ప్రైజ్​లు.