2024 Maruti Suzuki Swift : సరికొత్తగా మారుతీ సుజుకీ స్విఫ్ట్​.. ఇండియాలో లాంచ్​ ఎప్పుడు?

2024 Maruti Suzuki Swift : ఇండియాలో మారుతీ సుజుకీ స్విఫ్ట్​కు మంచి డిమాండ్​ ఉంది. ఇక ఇప్పుడు.. నెక్ట్స్​ జెనరేషన్​ స్విఫ్ట్​ను లాంచ్​ చేసేందుకు ఏర్పాట్లు చేసుకుంటోంది సంస్థ. ఇటీవలే జరిగిన జపాన్​ మొబిలిటీ షోలో ఈ మోడల్​ని రివీల్​ చేసింది దిగ్గజ ఆటోమొబైల్​ సంస్థ. ఇక ఇప్పుడు.. టెస్ట్​ రన్​ దశలో ఉన్న 2024 మారుతీ సుజుకీ స్విఫ్ట్​.. ఇండియాలో కనిపించింది. ఈ నేపథ్యంలో ఈ కారు విశేషాలను ఇక్కడ తెలుసుకుందాము..

సరికొత్తగా మారుతీ సుజుకీ స్విఫ్ట్​..

2024 మారుతీ సుజుకీ స్విఫ్ట్​ డిజైన్​లో పెద్దగా మార్పులు లేవు. ప్రస్తుతం ఉన్న డిజైన్​నే సంస్థ కొనసాగుతోంది. కాకపోతే.. బండికి కొన్ని అప్డేట్స్​ చేసింది. కొత్త గ్రిల్​, ఇంటిగ్రేటెడ్​ ఎల్​ షేప్​ డీఆర్​ఎల్స్​తో కూడిన హెడ్​లైట్స్​ వంటివి వస్తున్నాయి. మొత్తం మీద చూస్తుంటే.. ఈ కొత్త స్విఫ్ట్​.. మినీ కూపర్​ను పోలి ఉన్నట్టు కనిపిస్తోంది.

New Suzuki Swift : ఈ కారులో కొత్త అలాయ్​ వీల్స్​, ఎల్​ఈడీ టెయిల్​ల్యాంప్స్​, ట్వీక్​డ్​ బంపర్​ వంటివి వస్తున్నాయి. ఫలితంగా.. ఈ 2024 వర్షెన్​ లుక్స్​ మరింత మాడెర్న్​గా, స్పోర్టీగా మారాయి.

ఇక ఈ వెహికిల్​ ఇంటీరియర్​ విషయానికొస్తే.. ఇందులో 9 ఇంచ్​ టచ్​స్క్రీన్​ ఇన్ఫోటైన్​మెంట్​ సిస్టెమ్​, వయర్​లెస్​ యాపిల్​ కార్​ప్లే, ఆండ్రాయిడ్​ ఆటో, వయర్​లెస్​ ఫోన్​ ఛ్​ర్జర్​ వంటివి వస్తాయని సమాచారం. టెస్టింగ్​ దశలో ఉన్న మోడల్​లో బ్లైండ్​స్పాట్​ మానిటరింగ్​ వంటి ఏడీఏఎస్​ ఫీచర్స్​ కనిపించాయి.

ఇక ఈ కొత్త మారుతీ సుజుకీ స్విఫ్ట్​లో సరికొత్త 1.2 లీటర్​ జెడ్​ సిరీస్​, 3 సిలిండర్​, నేచురల్లీ ఆస్పిరేటెడ్​ పెట్రోల్​ ఇంజిన్​ ఉంటుందని టాక్​ నడుస్తోంది. ప్రస్తుతం ఉన్న మోడల్​లో 4 సిలిండర్​ ఇంజిన్​ ఉంది. మేన్యువల్​, ఆటోమెటిక్​ ట్రాన్స్​మిషన్​ యూనిట్స్​ వస్తాయి.

ఈ కారు లాంచ్​ ఎప్పుడు..?

Maruti Suzuki Swift on road price Hyderabad : మారుతీ సుజుకీ స్విఫ్ట్​.. వచ్చే ఏడాది ఇండియాలో లాంచ్​ అయ్యే సూచనలు కనిపిస్తున్నాయి. ప్రస్తుతం ఇండియా మార్కెట్​లో ఈ మోడల్​ ప్రారంభ ఎక్స్​షోరూం ధర రూ. 5.99లక్షలుగా ఉంది. కొత్తగా లాంచ్​ అయ్యే కారు ధర.. దీని కన్నా ఎక్కువే ఉండొచ్చని మార్కెట్​ వర్గాలు భావిస్తున్నాయి.

ఇక లాంచ్​ తర్వాత.. ఈ సుజుకీ స్విఫ్ట్​.. హ్యుందాయ్​ గ్రాండ్​ నియోస్​, టాటా పంచ్​ వంటి వెహికిల్స్​తో ఇప్పటికే ఉన్న పోటీని మరింత పెంచే అవకాశాలు ఉన్నాయి.

సరికొత్త మారుతీ సుజుకీ డిజైర్​ని చూశారా?

సుజీకీ స్విఫ్ట్​తో పాటు నెక్ట్స్​ జెనరేషన్​ డిజైర్​ని కూడా మారుతీ సుజుకీ సంస్థ సిద్ధం చేస్తోంది. ఈ రెండు వెహికిల్స్​ కూడా.. కొన్ని వారాల వ్యవధిలో లాంచ్​ అవుతాయని సమాచారం. పూర్తి వివరాల కోసం ఇక్కడ క్లిక్​ చేయండి.