క‌మ‌నీయంగా ఒంటిమిట్ట శ్రీ కోదండ‌రాముని క‌ల్యాణం

• ఒంటిమిట్టలోని కోదండరామాలయంలో శ్రీరామనవమి బ్రహ్మోత్సవాల సందర్భంగా శుక్రవారం రాత్రి  సీతారాముల కల్యాణం క‌మ‌నీయంగా జ‌రిగింది. పెద్ద సంఖ్యలో భక్తులు విచ్చేసి క‌ల్యాణోత్స‌వాన్ని తిల‌కించారు. క‌ల్యాణానికి ముందు రాత్రి 7 గంటలకు కాంత కోరిక నిర్వహించారు. రాములవారి కల్యాణానికి సంబంధించి సీతమ్మవారి కోరికను శాస్త్రరీత్యా తెలుసుకోవడాన్ని కాంతకోరిక అంటారు. రాత్రి 7.30 గంటలకు ఎదుర్కోలు ఉత్సవం నిర్వహించారు. రాత్రి 8 గంటలకు శ్రీ సీతారాముల కల్యాణం ప్రారంభమైంది. ముందుగా భగవత్‌ విజ్ఞాపనం, సభ అనుజ్ఞ, లోకకల్యాణం కోసం సంకల్పం చేయించారు. కల్యాణంలోని పదార్థాలన్నీ భగవంతుని మయం చేసేందుకు పుణ్యాహవచనం నిర్వహించారు. ఆ తరువాత రక్షాబంధనం, యజ్ఞోపవీతధారణ, వరప్రేశనం(కన్యావరణం), మధుపర్కార్చనం చేశారు. మహాసంకల్పం అనంతరం కన్యాదానం చేసి సీతారామచంద్రుల ప్రవరలను చదివారు, వంశస్వరూపాన్ని స్తుతించారు. అగ్నిప్రతిష్టాపన తరువాత జిరగుడ ప్రక్షేపనం చేసి మంగళాష్టకం, చూర్ణిక పఠించారు. ఆ తరువాత మాంగళ్యసూత్ర పూజ, మంగళసూత్రధారణ, అక్షతారోపణం చేప‌ట్టారు. అనంతరం లాజహోమంలో సీర్పాడళ్‌ ఆలపించారు. స్వామి నివేదన, వేదస్వస్తి, మహదాశీర్వచనంతో కల్యాణఘట్టం పూర్త‌యింది.