Wednesday Motivation | ప్రేమ అనేది ఓ గొప్ప అనుభూతి.. ఎవరు ఇచ్చినా కాదనకండి..

Wednesday Quote | మనకి ఒంటరిగా ఉండడం ఎంత ఇష్టమైనా... ప్రేమను కనుగొనాలంటే మాత్రం ఇతరులు కావాల్సిందే. మనకు సాధారణంగా లేదా నిర్దిష్టంగా.. ఆదర్శంగా ఉన్నవారితో మనం కలిసిపోతాము. ఆ సమయంలో ప్రేమ చిగురించే అవకాశముంది. సెల్ఫ్​ లవ్​ ప్రతిఒక్కరిలో ఉండాలి. కానీ ఇతరుల నుంచి కలిగే ప్రేమకు ఇది పూర్తిగా భిన్నం.

దీని అర్థం మీ కోసం సరైన వ్యక్తిని వెతుక్కోమని అర్థం కాదు. రకరకాల ప్రేమలను.. ఇతరుల నుంచి ఎలా పొందుతున్నారనేది అర్థం. వయసుతో, జాతితో సంబంధం లేకుండా.. కొన్ని ప్రదేశాలలో ఆ అనుభూతిని మనం పొందుతాం. ప్రేమ రూపాలు అనంతమైనవి. కాబట్టి మిమ్మల్ని కోరుకోని ప్రేమ కూడా ఉంటుంది. జస్ట్ దూరంగా ఉంటూ మీరు మంచిగా ఉండాలని భావించేది కూడా ఓ రకమైన ప్రేమే. అది మీకు అర్థమైన రోజు మీ జీవితంలో వారి పట్ల మంచి భావం కలుగుతుంది. ఈ ప్రేమలో ముఖ్యంగా చెప్పుకోవాల్సింది కుటుంబ ప్రేమ. దీనిలో రక్త సంబంధంతో కూడిన ప్రేమలు ఉంటాయి. శృంగార సంబంధమైన ప్రేమ ఉంటుంది.

ప్రేమ అనేది ఒక ఆదర్శ కుటుంబం నుంచి లేదా.. అపరిచితుల నుంచి.. లేదా మీరు లేకుండా జీవించలేని వ్యక్తి గురించి.. లోతైన స్థాయిలలో వచ్చే ఓ గొప్ప అనుభూతి. కానీ మీ జీవితంలో ఈ ప్రేమను పొందకుంటే.. జీవితం బంజరులా అనిపిస్తుంది. మీ జీవితంలో ఎన్ని రకాల ప్రేమలు ఉన్నాయో.. వాటి పేర్లు ఏమిటో చెప్పగలరా? అయితే మీరు ఎవరినుంచి ప్రేమను పొందుతున్నారో తెలుసుకోండి. వారికోసం కుదిరినప్పుడు మీ సమయాన్ని.. పరిస్థితులకు అనుగుణంగా వెచ్చించండి. ప్రేమ అనేది గొప్ప అనుభూతి. మీరు చేసే పనిని ఎందుకు చేస్తున్నారో.. గుర్తించుకోవడంలో అది మీకు సహాయం చేస్తుంది.