Gangula on Bandi: బండికి ఎంపీ టికెట్ వచ్చే అవకాశం లేక ఎమ్మెల్యేగా పోటీ - గంగుల

Gangula on Bandi: కరీంనగర్ రూరల్ మండలం గోపాల్ పూర్, ఎలబోతారం గ్రామాలలో గంగుల ఎన్నికల ప్రచారం నిర్వహించారు. డప్పు చప్పుళ్ళు, ఒగ్గు కళాకారుల నృత్యాల మధ్య గ్రామస్థులు ఘన స్వాగతం పలికారు.

ప్రజలకు సేవ చేయడానికి బండి సంజయ్ ని కరేంనగర్ ప్రజలు ఎంపీగా గెలిపిస్తే నాలుగున్నరేళ్లు పత్తా లేకుండా పోయి..అక్రమంగా సంపాదించిన డబ్బు సంచులతో ఓట్లు కొనుగోలు చేసేందుకు వస్తున్నాడని మండిపడ్డారు.

వచ్చే ఎన్నికల్లో ఎంపీగా టికెట్ వచ్చే అవకాశం లేకనే ఎమ్మెల్యేగా పోటీ చేసి ఒక్కో ఓటుకు ఇరవై వేల రూపాయలతో పాటు సెల్ ఫోన్ ఇవ్వడానికి సిద్దం అయ్యాడని,అక్రమంగా సంపాదించిన డబ్బులను ఎరచూపడానికి వస్తున్న సంజయ్ ఇచ్చే డబ్బులను తీసుకుని కారు గుర్తుకు ఓటు వేయాలని కోరారు.

నాలుగున్నరేళ్లుగా ఎంపీగా సంజయ్ ఏమి అభివృద్ధి చేశాడో గ్రామాల్లోని మహిళలు నిలదీయాలన్నారు.యాభై ఏళ్ల దరిద్రానికి కారణం బీజేపీ కాంగ్రెస్ లేనని, యాభై ఏళ్ల దరిద్రం కోరుకుందామా..పదేళ్ల కేసీఆర్ అభివృద్ధి కోరుకుందామా ఆలోచించుకోవాలన్నారు.

పచ్చని తెలంగాణ పై ఆంధ్రోళ్ల కన్ను పడిందని మరోసారి తెలంగాణ పై ఆధిపత్యం కోసం కుట్రలు పన్నుతున్నారని..కేసీఆర్ చేతుల్లోనే తెలంగాణ సుభిక్షంగా ఉంటుందని, పదేళ్ల అభివృద్ధి పై గ్రామాల్లో చర్చించాలని కోరారు...కేసీఆర్ లేని తెలంగాణా రాష్ట్రాన్ని ఊహించలేమని ప్రతిఒక్కరు బీఆర్ఎస్ కు ఓటేసి బలపరిస్తేనే బంగారు తెలంగాణా సాధ్యమన్నారు.

(రిపోర్టర్ గోపికృష్ణ,ఉమ్మడి కరీంనగర్ జిల్లా)