Windows 11 Update: కృత్రిమ మేథతో కో పైలట్; విండోస్ 11 అప్ డేట్ లో కొత్త ఫీచర్సెన్నో..

Windows 11 new features: విండోస్ 11 అప్ డేట్ తో ఎన్నో సరికొత్త ఫీచర్లను మైక్రోసాఫ్ట్ యూజర్లకు అందుబాటులోకి తీసుకురానుంది. వాటిలో ప్రధానంగా కృత్రిమ మేథ ఆధారిత కోపైలట్ (Copilot) అసిస్టెంట్ ఫీచర్ యూజర్లకు ఎంతగానో ఉపయోగపడనుంది.

దాదాపు 150 కొత్త ఫీచర్లు

విండోస్ 11 అప్ డేట్ లోని ‘కో పైలట్ అసిస్టెంట్ (Copilot assistant)’ తో యూజర్ల పని చాలా తేలిక కానుంది. యూజర్లు తమ టాస్క్ లను మరింత వేగంగా పూర్తి చేయగలుగుతారు. యూజర్లకు కో పైలట్ నుంచి పర్సనలైజ్డ్ జవాబులు లభిస్తాయి. దాంతో, యూజర్ల సమయం చాలా ఆదా అవుతుంది. ప్రైవసీ, సెక్యూరిటీ ల విషయంలోనూ ఈ కో పైలట్ జాగ్రత్తలు తీసుకుంటుంది. ఇది విండోస్ 11, మైక్రో సాఫ్ట్ 365, మైక్రో సాఫ్ట్ ఎడ్జ్, బింజ్ ల్లో అందుబాటులో ఉంటుంది. విండోస్ 11 అప్ డేట్ లో సమారు 150 కొత్త ఫీచర్లను అందుబాటులోకి తీసుకురానున్నారు. కో పైలట్ అసిస్టెంట్ మాత్రమే కాకుండా, కృత్రిమ మేథ సహాయంతో ఎంఎస్ పెయింట్, ఫొటోస్, క్లిప్ చాంప్ తదితర యాప్ లను మరింత మెరుగుపర్చారు.

మెరుగుపర్చిన పెయింట్

ఎంఎస్ పెయింట్ ను మరింత యూజర్ ఫ్రెండ్లీగా మెరుగుపర్చారు. ఇప్పుడు ఈ యాప్ తో డ్రాయింగ్, డిజిటల్ క్రియేషన్ మరింత సులువవుతుంది. బ్యాక్ గ్రౌండ్ రిమూవర్ ఆప్షన్ కూడా వినియోగదారులకు ఎంతో ఉపయోగపడుతుంది. అలాగే, ఇకపై పెయింట్ యాప్ తో కో క్రియేటర్ కూడా యూజర్లందరికీ అందుబాటులోకి వస్తోంది. దీని ద్వారా సృజనాత్మక చిత్రాలను రూపొందించవచ్చు.

స్నిపింగ్ టూల్

విండోస్ 11 లోని మరో అప్ డేటెట్ ఫీచర్ స్నిపింగ్ టూల్. దీనిద్వారా స్క్రీన్ రికార్డింగ్ మరింత ఈజీ అవుతుంది. విండోస్ + షిఫ్ట్ + ఆర్ (Windows + Shift + R) ను ఒకేసారి ప్రెస్ చేయడం ద్వారా స్క్రీన్ రికార్డింగ్ ను ప్రారంభించవచ్చు. ఫొటోస్ యాప్ ను కూడా విండోస్ 11 లో అప్ గ్రేడ్ చేవారు. కృత్రిమ మేథ సాయంతో ఫోటోస్ యాప్ లో బ్యాక్ గ్రౌండ్ బ్లర్, ఇంప్రూవ్డ్ సెర్చ్ లను మెరుగుపర్చారు.