మంచుకొండలను చూసి.. ఎంజాయ్ చేయాలనుకునేవారి కోసం ఓ గుడ్ న్యూస్ అందిస్తోంది ఐఆర్‌సీటీసీ. హైదరాబాద్ టూ నేపాల్ టూర్ ప్యాకేజీని ప్రకటించింది. రాయల్ నేపాల్ పేరుతో అందిస్తోంది. నేపాల్ లోని అందాలను చూడాలి అనుకునేవారికి ఇది ఎంతగానో ఉపయోగకరంగా ఉంటుంది.

మే 29న టూర్ స్టార్ట్ అవుతుంది. 5 రాత్రులు, 6 రోజులు ఉంటుంది. నేపాల్‌లోని ఖాట్మండు, పోఖారా ప్రాంతాలు చూపిస్తారు. అయితే నేపాల్ వెళ్లాలి అనుకునేవారికి తప్పకుండా.. పాస్‌పోర్ట్ లేదా ఓటర్ ఐడీ మాత్రం ఉండాలి. ప్యాకేజీలోనే ఫ్లైట్ టికెట్స్, హోటల్‌లో బస, బ్రేక్‌ఫాస్ట్, డిన్నర్, ఏసీ బస్సులో సైట్ సీయింగ్, ట్రావెల్ ఉంటాయి. ఈ ప్యాకేజీ బుక్ చేసుకునే టూరిస్టులు నేపాల్ జారీ చేసిన గైడ్‌లైన్స్, ప్రోటోకాల్స్ తప్పనిసరిగా పాటించాల్సిందే.

రాయల్ నేపాల్ టూర్ మొదటి రోజున హైదరాబాద్‌లో స్టార్ట్ అవుతుంది. ఉదయం 7.05 గంటలకు హైదరాబాద్‌ ఫ్లైట్ ఎక్కాలి. మధ్యాహ్నం 3.45 గంటలకు నేపాల్ రాజధాని ఖాట్మండుకు వెళ్తారు. అక్కడ అందాలను చూడొచ్చు. సాయంత్రం టైమ్ లో స్థానిక ప్రాంతాలను చూపిస్తారు. రాత్రికి ఖాట్మండులోనే బస ఉంటుంది.

2వ రోజు పశుపతినాథ్ ఆలయం, బుద్ధనాథ స్థూప, పఠాన్, దర్బార్ స్క్వేర్, టిబెటన్ రెఫ్యూజీ సెంటర్, స్వయంభునాథ్ స్థూపం దర్శించుకోవచ్చు. మళ్లీ రాత్రికి ఖాట్మండులో బస చేస్తారు. మూడో రోజు పోఖారకు వెళ్లాలి. దారిలో కొన్ని ప్రదేశాలను చూపిస్తారు. మనకమన ఆలయాన్ని సందర్శించొచ్చు. రాత్రికి పోఖారలో బస ఉంటుంది.

4వ రోజు తెల్లవారుజామున సూరంగ్‌కోట్‌కు వెళ్లాలి. సూర్యోదయం సమయంలో హిమాలయాలు చూసి ఎంజాయ్ చేయోచ్చు. ఆ తర్వాత లోకల్ సైట్‌సీయింగ్ కూడా ఉంటుంది. బింధ్యబాసిని మందిర్, డెవిల్స్ ఫాల్, గుప్తేశ్వర్ మహాదేవ్ గుహకు తీసుకెళ్తారు. రాత్రికి పోఖారలో బస ఉంటుంది.

5వ రోజు ఖాట్మండుకు వెళ్లాల్సి ఉంటుంది. రాత్రికి ఖాట్మండులోనే ఉండాలి. ఆరో రోజు మధ్యాహ్నం వరకు ఖాళీ సమయం దొరుకుతుంది. సాయంత్రం 4.45 గంటలకు ఖాట్మండులో ఫ్లైట్ ఎక్కితే రాత్రి 11.25 గంటలకు హైదరాబాద్ చేరుకుంటారు.

రాయల్ నేపాల్ టూర్ ప్యాకేజీ ట్రిపుల్ ఆక్యుపెన్సీ ధర రూ.40,000గా ఉంది. డబుల్ ఆక్యుపెన్సీ ధర రూ.41,000దా ఉంటుంది. సింగిల్ ఆక్యుపెన్సీ ధర రూ.49,650గా నిర్ణయించారు.