Gang rape case : జూబ్లీహిల్స్‌లో రేప్ కేసులో ఎమ్మెల్యే కుమారుడు

జూబ్లీహిల్స్‌ రేప్ కేసులో దర్యాప్తు చేస్తుంటే.. రోజురోజుకు కొత్త విషయాలు వెలుగులోకి వస్తున్నాయి. ఈ కేసులో పోలీసులు.. దర్యాప్తును వేగవంతం చేశారు. బాలిక స్టేట్​మెంట్​ను మరోసారి రికార్డు చేసిన పోలీసులు మరొకరిపై కేసు నమోదు చేశారు. ఈ ఘటనలో ఇప్పటికే ఐదుగురిని నిందితులుగా భావించారు.

అయితే బాలిక స్టేట్ మెంట్ ను రికార్డు చేసిన అనంతరం.. మరో నిందితుడిగా ఓ ఎమ్మెల్యే కుమారుడిని కూడా చేర్చారు. అత్యాచారానికి పాల్పడిన బృందంతో సదరు ఎమ్మెల్యే కుమారుడు కూడా ఉన్నట్టుగా గుర్తించారు. ఈ అఘాయిత్యానికి ముందే వాహనం నుంచి దిగిపోయాడని పోలీసులు మెుదట తెలిపారు. ఐదుగురు నిందితుల్లో ఇప్పటికే నలుగురిని అరెస్టు చేశారు.

సాదుద్దీన్‌తోపాటు ముగ్గురు మైనర్లను అరెస్ట్ చేసి రిమాండ్ కు తరలించారు. ఐదో నిందితుడైన ఉమర్​ఖాన్​ పరారీలో ఉండగా.. అతడ్ని పట్టుకునేందుకు పోలీసులు తీవ్రంగా గాలిస్తున్నారు. అఘాయిత్యానికి ఉపయోగించిన రెండు కార్ల నుంచి క్లూస్​ టీం కీలక ఆధారాలు సేకరించారు. ఇప్పటికే కారులో.. వీర్యనమూనాలు సేకరించారు. ఎఫ్​ఎస్​ఎల్​కు పంపించారు. ఫొటోలు, సీసీ కెమెరా దృశ్యాలను చూపిస్తూ కీలక సమాచారం సేకరించారు.