తెలుగు న్యూస్ / తెలంగాణ /
సంగారెడ్డిలో విషాదం.. ఎయిర్ గన్ పేలి నాలుగేళ్ల చిన్నారి మృతి
Mar 16, 2022 01:51 PM IST
ఫామ్‌హౌస్‌లో ఎయిర్‌గన్‌ పేలి నాలుగేళ్ల బాలిక మృతిచెందింది. ఈ ఘటన తెలంగాణలోని సంగారెడ్డి జిల్లాలో జరిగింది. రంగంలోకి దిగిన పోలీసులు దర్యాప్తు చేపట్టారు.
ఎయిర్ గన్ పేలి చిన్నారి మృతి (unsplash)
సంగారెడ్డి జిల్లాలోని జిన్నారం మండలం వావిలా శివారులో విషాదం నెలకొంది. ఓ ఫామ్‌హౌస్‌లో ఎయిర్‌గన్‌ పేలి నాలుగేళ్ల బాలిక మృతిచెందింది. పోలీసుల వివరాల ప్రకారం.. శివారులోని ఓ ఫామ్‌హౌస్‌లో మంగళవారం ఉదయం పది గంటల సమయంలో ఎయిర్‌గన్‌ పేలింది. ఈ క్రమంలో అక్కడ పనిచేస్తున్న ఓ వ్యక్తి కుమార్తె అయినా శాన్వి(4) గాయాలపాలైంది. తీవ్రంగా గాయపడిన శాన్విని స్థానికంగా ఉన్న ఆర్ఎంపీ దగ్గరకి తీసుకెళ్లగా చికిత్స అందించలేకపోయాడు. పరిస్థితి విషమించటంతో వెంటనే ఉస్మానియా ఆస్పత్రికి తరలించగా చికిత్స పొందుతూ బుధవారం ప్రాణాలు విడిచింది.
ఎయిర్ గన్తో ఎవరైనా కాల్చారా? ప్రమాదవశాత్తుగా ఏమైనా జరిగిందా అన్న కోణంలో విచారణ చేపట్టారు పోలీసులు. ఒక్కసారిగా ఈ ఘటనతో స్థానికంగా కలకలం రేగింది.
మరిన్ని తెలంగాణ తాజా వార్తలు, క్రైమ్ వార్తలు, ట్రెండింగ్ వార్తలు, హైదరాబాద్ వార్తలు, పొలిటికల్ వార్తలు చూడండి.