Ind vs SA 1st T20: అర్ష్‌దీప్‌ ఒకే ఓవర్లో మూడు వికెట్లు.. పీకల్లోతు కష్టాల్లో సౌతాఫ్రికా

Ind vs SA 1st T20: ఇండియాతో జరుగుతున్న తొలి టీ20లో పీకల్లోతు కష్టాల్లో పడింది సౌతాఫ్రికా. ఈ మ్యాచ్‌లో టాస్‌ ఓడి బ్యాటింగ్‌కు దిగిన ఆ టీమ్.. మూడు ఓవర్లు ముగిసే సమయానికే సగం వికెట్లు కోల్పోయింది. పేస్‌బౌలర్‌ అర్ష్‌దీప్‌ సింగ్‌ ఒకే ఓవర్లో మూడు వికెట్లు తీయడం విశేషం. దీంతో మూడు ఓవర్లు ముగిసే సమయానికి సౌతాఫ్రికా 14 పరుగులకు 5 వికెట్లు కోల్పోయి కష్టాల్లో పడింది.

తొలి ఓవర్‌ చివరి బంతికే సౌతాఫ్రికా కెప్టెన్‌ బవుమా(0)ను ఔట్‌ చేసి దీపక్‌ చహర్‌ శుభారంభం అందించాడు. ఇక రెండో ఓవర్లో అర్ష్‌దీప్‌ సింగ్ చెలరేగిపోయాడు. ఆ ఓవర్లో రెండు, ఐదు, ఆరు బంతులకు ముగ్గురు సఫారీ బ్యాటర్లను ఔట్‌ చేశాడు. అతని దెబ్బకు డికాక్‌ (1), రూసో (0), మిల్లర్‌ (0) ఔటయ్యారు. ఆ తర్వాతి ఓవర్లో చహర్‌.. స్టబ్స్‌ (0)ను కూడా ఔట్‌ చేయడంతో సౌతాఫ్రికా 9 పరుగులకే 5 వికెట్లు కోల్పోయింది.

అర్ష్‌దీప్‌ 3, చహర్‌ 2 వికెట్లు తీసుకున్నారు. ఈ ఇద్దరి దెబ్బకు నలుగురు బ్యాటర్లు డకౌట్‌ కాగా.. అందులో ముగ్గురు తొలి బంతికే పెవిలియన్‌ చేరారు. ఈ మ్యాచ్ లో ఇండియన్ టీమ్ ముగ్గురు యువ పేస్ బౌలర్లు అర్ష్ దీప్, హర్షల్ పటేల్, దీపక్ చహర్ లతో బరిలోకి దిగింది. ఇక వికెట్ కీపర్లు రిషబ్ పంత్, దినేష్ కార్తీక్ లు తుది జట్టులో ఉన్నారు.