అక్టోబర్ 29 : నేటి రాశి ఫలాలు.. వీరు ఏ విషయంలోనూ చెడు ఊహించవద్దు
Horoscope Today : నేటి రాశి ఫలాలు తేదీ 29.10.2023 ఆదివారం కోసం జ్యోతిష్య శాస్త్ర నిపుణులు చిలకమర్తి ప్రభాకర చక్రవర్తి శర్మ అందించారు. మీ రాశి ఫలితం ఇక్కడ చూసుకోవచ్చు.
తెలుగురాశి ఫలితములు (దిన ఫలితము) 29. 10.2023, వారం: ఆదివారం, తిథి : పాడ్యమి నక్షత్రం : అశ్విని, మాసం : ఆశ్వయుజం, సంవత్సరం: శోభకృత్‌ నామ, అయనం: దక్షిణాయనం
మేష రాశి
మేష రాశి వారికి ఈ రోజు మీకు మధ్యస్థ ఫలితాలున్నాయి. వ్యాపారపరంగా మధ్యస్థ ఫలితాలున్నాయి. భూ గృహ ప్రయత్నాలు ఫలిస్తాయి. జాగ్రత్తగా ఆచితూచి అడుగు వేయాలి. మిత్ర బలం పెరుగుతుంది. ఆత్మవిశ్వాసంతో అనుకున్న పనులు సాధిస్తారు. మీరు తీసుకునే నిర్ణయాలు మంచి భవిష్యత్తును ఇస్తాయి. చాలా విషయాల్లో స్పష్టత వస్తుంది. అపోహలు, శత్రుదోషము తొలగుతాయి. మేష రాశి వారు ఈ రోజు మరింత శుభ ఫలితాలు పొందడం కోసం ఆదివారం రోజు సుబ్రహ్మణ్యుని పూజించడం, సూర్యభగవానుని ఆరాధించడం వల్ల శుభఫలితాలు కలుగుతాయి. సూర్యాష్టకం చదువుకోవడం వల్ల శుభఫలితాలు కలుగుతాయి.
వృషభ రాశి
వృషభ రాశి వారికి ఈ రోజు మీకు అన్ని విధాలుగా అనుకూలంగా ఉన్నది. వ్యాపారపరంగా శుభఫలితాలున్నాయి. ఉద్యోగంలో సకాలంలో పనులు ప్రారంభించాలి. ఆలోచించి నిర్ణయాలు తీసుకోవాలి. అధికారులతో జాగ్రత్తగా వ్యవహరించాలి. కార్యసఫలత ఉంటుంది. నూతన ప్రయత్నాలు మంచి ఫలితాన్నిస్తాయి. ఆదిత్య హృదయాన్ని పారాయణ చేయడం మంచిది. వృషభ రాశి వారు ఈరోజు క్రిష్ణాష్టకం పఠించడం వల్ల మరింత శుభఫలితాలు కలుగుతాయి.
మిథున రాశి
మిథున రాశి వారికి ఈ రోజు మీకు మధ్యస్థ ఫలితాలున్నాయి. కొన్ని సమస్యలు పరిష్కారమవుతాయి. ఆర్థికస్థితి మెరుగ్గా ఉంటుంది. ధైర్యంగా నిర్ణయాలు తీసుకోవాలి. ముఖ్య పనుల్లో శ్రద్ధ వహించాలి. ఇతరులతో కలసిమెలసి ఉండాలి. దేనికీ సందేహించవద్దు. ఒత్తిడి లేకుండా ప్రశాంతంగా పనిచేయండి. మేలు జరుగుతుంది. మిథునరాశివారు మరింత శుభఫలితాలు పొందాలనుకుంటే ఆదివారం రోజు సూర్యాష్టకం పఠించడం, మహావిష్ణువును పూజించాలి.
కర్కాటక రాశి
కర్కాటక రాశి వారికి ఈ రోజు మీకు అనుకూలంగా ఫలితాలున్నాయి. ఉద్యోగపరంగా కలసివచ్చే సమయం ఇది. నూతన ప్రయత్నాలు సఫలమవుతాయి. కోరుకున్నది దొరుకుతుంది. వ్యాపారపరంగా లాభదాయకం. స్థిరాస్తి వృద్ధి చెందుతుంది. గృహ, వాహన యోగాలున్నాయి. అపోహలు తొలగుతాయి. కర్కాటక రాశివారు మరింత శుభఫలితాలు పొందాలనుకుంటే నవగ్రహ పీడాహర స్తోత్రం పఠించాలి.
సింహ రాశి
సింహ రాశి వారికి ఈరోజు మీకు మధ్యస్థముగా ఉన్నది. సకాలంలో అనుకున్న పనులు అనుకున్న విధంగా పూర్తి చేస్తారు. ఇబ్బందులు తొలగుతాయి. నూతన ప్రయత్నాలు ఫలిస్తాయి. ఇతరుల విషయాల్లో జోక్యం చేసుకోరాదు. కొన్ని విషయాల్లో స్పష్టత వస్తుంది. మీ నిజాయితీ మిమ్మల్ని గొప్పవారిని చేస్తుంది. గతంలో కాని పనులు ఇప్పుడు పూర్తవుతాయి. సింహ రాశి వారికి మరింత శుభఫలితాలు పొందాలనుకుంటే ఆదిత్య హృదయాన్ని పారాయణ చేయాలి. నవగ్రహ పీడాహర స్తోత్రం పఠించడం మంచిది.
కన్యా రాశి
కన్యా రాశి వారికి ఈ రోజు మీకు అనుకూలంగా ఉన్నది. ఉద్యోగస్తులు మీరు చేసే పనులు వాయిదా వేయవద్దు. ఆటంకాలు తొలగుతాయి. వ్యాపారంలో అద్భుత లాభాలున్నాయి. సకాలంలో నిర్ణయాలు తీసుకొని ఆర్థికంగా బలపడతారు. ఎవరినీ తక్కువ అంచనా వేయవద్దు. సొంత విషయాలను ఇతరులతో చర్చించవద్దు. ఒకసారి నిర్ణయం తీసుకున్న తరువాత వెనుకడుగు వేయవద్దు. మరింత శుభఫలితాలు పొందడం కోసం విష్ణు సహస్ర నామ పారాయణ చేయడం, ఆదిత్య హృదయం పారాయణ చేయడం మంచిది.
తులా రాశి
తులా రాశి వారికి ఈ రోజు మీకు మధ్యస్థం నుండి అనుకూలంగా ఉన్నది. ఉద్యోగస్తులకు ఉద్యోగంలో సమయానుకూలంగా వ్యవహరించాలి. పనులు వాయిదా వేయవద్దు. మిత్రలు సహకారం ఉంటుంది. ముఖ్యకార్యాల్లో ఆచితూచి వ్యవహరించాలి. మీ బుద్ధిబలంతో పనిచేసి విజయం సాధించాలి. ఎవరినీ అనుమానించవద్దు. లక్ష్యం సిద్ధించేవరకూ కృషి కొనసాగించాలి. శుభవార్త వింటారు. తులారాశివారు మరింత శుభ ఫలితాలు పొందాలనుకుంటే ఆదివారం రోజు నవగ్రహ పీడాహర స్తోత్రం పఠించడం మంచిది. ఆదిత్య హృదయం పారాయణ చేయడం వలన శుభఫలితాలు కలుగుతాయి.
వృశ్చిక రాశి
వృశ్చిక రాశి వారికి ఈ రోజు మీకు మధ్యస్థ ఫలితాలున్నాయి. శ్రమకు తగిన ప్రతిఫలం లభిస్తుంది. సమయానుకూలంగా పనిచేసి అధికారుల మన్నననలు పొందుతారు. ఆశయం నెరవేరుతుంది. ఇతరులపై ఆధారపడవద్దు. ఆర్థికపరంగా మధ్యస్థ సమయం. ఉద్యోగంలో పదవీలాభం సూచన. ఎదురుచూస్తున్న పని ఒకటి పూర్తవుతుంది. ధర్మమార్గంలో ముందుకు సాగండి. వృశ్చిక రాశి వారు మరింత శుభఫలితాలు పొందాలనుకుంటే ఆదిత్య హృదయాన్ని పఠించడం, నవగ్రహా ఆలయాల్లో పూజలు వంటివి చేయడం వలన మరింత శుభఫలితాలు కలుగుతాయి.
ధనూ రాశి
ధనూ రాశి వారికి ఈరోజు మీకు అనుకూల ఫలితాలున్నాయి. ఉద్యోగంలో మేలు జరుగుతుంది. స్థిరాస్తులు వృద్ధి చెందుతాయి. గృహ నిర్మాణాది పనుల్లో మంచి ఫలితాలుంటాయి. వ్యాపారంలో విశేషమైన లాభాలున్నాయి. గౌరవ పురస్కారాలు పొందుతారు. శుభవార్త వింటారు. ధనూరాశివారు మరింత శుభఫలితాలు పొందాలనుకుంటే సూర్యాష్ట్రకాన్ని పఠించాలి. నవధాన్యాలను దానం ఇవ్వడం మంచిది. క్షీరాన్నాన్ని ఆలయాల్లో ప్రసాదంగా పంచడం మంచిది.
మకర రాశి
మకర రాశి వారికి ఈ రోజు మీకు అనుకూల ఫలితాలున్నాయి. ఉద్యోగంలో మధ్యస్థ ఫలితాలున్నాయి. వివాదాలకు దూరంగా ఉండాలని సూచన. స్నేహితుల సూచనలు పనిచేస్తాయి. ఆలోచించి నిర్ణయాలు తీసుకోవాలి. శుభవార్త వింటారు. అనుకున్నది సాధిస్తారు. మకరరాశివారు మరింత శుభఫలితాలు పొందాలనుకుంటే నవగ్రహ శాంతి చేసుకోవడం మంచిది. ఈ రోజు నవగ్రహ ఆలయాలను దర్శించడం మంచిది. సూర్యాష్టకాన్ని పఠించండి.
కుంభ రాశి
కుంభ రాశి వారికి ఈ రోజు మీకు అంత అనుకూలంగా లేదు. ముఖ్య పనుల్లో శ్రద్ధ వహించాలి. నిర్ణయం తీసుకున్న తర్వాత మార్చవద్దు. మితంగా సంభాషించాలి. ఏదీ ఎక్కువగా ఆలోచించవద్దు. మానసిక దృఢత్వం అవసరం. అపార్థాలకు అవకాశం ఇవ్వవద్దు. ఇతరులపై ఆధారపడకుండా పనిచేయండి. మరింత శుభఫలితాలు పొందాలనుకుంటే ఆదిత్య హృదయాన్ని పారాయణ చేయాలి. నవగ్రహ పీడాహర స్తోత్రాన్ని పఠించండి. నువ్వులతో చేసిన ప్రసాదాన్ని ఆలయాల్లో పంచి పెట్టండి.
మీన రాశి
మీన రాశి వారికి ఈ రోజు మీకు అంత అనుకూలంగా లేదు. ఏ విషయంలోనూ చెడు ఊహించవద్దు. మీ కృషిని పెద్దలు ప్రశంసిస్తారు. ఆత్మీయుల సూచనలు పనిచేస్తాయి. ఆర్థిక నష్టాలు రాకుండా చూసుకోండి. వాదోపవాదాలతో సమయాన్ని వృథా చేసుకోవద్దు. పనులను వాయిదా వేయవద్దు. శుభవార్త వింటారు. ముందస్తు ప్రణాళికతో పనిచేయాలి. శాంతంగా ఉంటే మంచిది. మనోబలం రక్షిస్తుంది. నవగ్రహ స్తోత్రం పారాయణ చేయండి. విష్ణుసహస్రనామ పారాయణ చేయడం వలన శుభఫలితాలు కలుగును.
