TS Weather Updates : చల్లబడిన వాతావరణం, తగ్గనున్న ఉష్ణోగ్రతలు - మరికొన్ని గంటల్లో ఈ జిల్లాల్లో వర్షాలు!

 తెలంగాణలోని పలు జిల్లాల్లో శుక్రవారం మధ్యాహ్నం తర్వాత వాతావరణం చల్లబడింది. ఆయా జిల్లాలో వర్షాలు కురిసే అవకాశం ఉంది.

ఆయా జిల్లాల్లో ఉరుములు, మెరుపులతో కూడిన వర్షాలు కురిసే అవకాశం ఉంది. మూడు - నాలుగు గంటల్లో ఈ వర్షాలు పడొచ్చని ఐఎండీ అంచనా వేసింది.

తెలంగాణ ప్రాంతంలో ఇవాళ్టి నుంచి ఏప్రిల్ 25వ తేదీ వరకు కూడా మోస్తారు నుంచి తేలికపాటి వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది.

ఈ రెండు మూడు రోజులు మళ్లీ ఉష్ణోగ్రతలు తగ్గే అవకాశం ఉందని హైదరాబాద్ వాతావరణ కేంద్రం అంచనా వేసింది. 

మరోవైపు ఏపీలో కూడా ఇవాళ, రేపు తేలికపాటి నుంచి మోస్తారు వర్షాలు కురిసే అవకాశం ఉందని వాతావరణశాఖ తెలిపింది. ఉత్తరకోస్తాతో పాటు దక్షిణ కోస్తా ప్రాంతంలో తేలికపాటి వర్షాలు కురిసే అవకాశం ఉందని అంచనా వేసింది.