TS LAWCET 2023 : అలర్ట్... తెలంగాణ లాసెట్ రెండో విడత కౌన్సెలింగ్ షెడ్యూల్ విడుద‌ల‌ - డేట్స్ ఇవే

తెలంగాణ లాసెట్ రెండో విడత కౌన్సెలింగ్ షెడ్యూల్ విడుదలైంది. ఈ నెల 11 నుంచి 13 వరకు ఆన్‌లైన్‌ రిజిస్ట్రేషన్లు, సర్టిఫికెట్‌ వెరిఫికేషన్ నిర్వ‌హించ‌నున్నట్లు అధికారులు ప్రకటించారు.

 వెబ్ ఆప్ష‌న్ల‌కు అర్హ‌త పొందిన‌ అభ్య‌ర్థుల జాబితాను డిసెంబర్ 14వ తేదీన‌ ప్రకటిస్తారు. వారు మాత్రమే… వెబ్ ఆప్షన్లను ఎంచుకోవాల్సి ఉంటుంది.

డిసెంబర్ 16వ తేదీన అర్హత పొందిన విద్యార్థులు… వెబ్ ఆప్ష‌న్ల‌ను ఎడిట్ చేసుకునేందుకు అవ‌కాశం క‌ల్పించారు.

డిసెంబర్ 19వ తేదీన సీట్ల కేటాయింపు ఉంటుంది. సీటు పొందిన విద్యార్థులు ఆయా కాలేజీల్లో డిసెంబర్ 20 నుంచి 23వ తేదీ లోపు రిపోర్టు చేయాల్సి ఉంటుంది.

https://lawcet.tsche.ac.in/  వెబ్ సైట్ లోకి వెళ్లి విద్యార్థులు రిజిస్ట్రేషన్ ప్రక్రియతో పాటు వెబ్ ఆప్షన్లు ఎంచుకోవాలి. పూర్తి వివరాలను కూడా ఈ వెబ్ సైట్ లోనే చూడొచ్చు.