Bigg Boss Soniya: బిగ్‍బాస్‍ హౌస్‍లోకి అడుగుపెట్టిన ఆర్జీవీ హీరోయిన్: ఫొటోలు, వివరాలు

బిగ్‍బాస్ తెలుగు 8వ సీజన్‍లో సినీ నటి సోనియా ఆకుల ఎంట్రీ ఇచ్చారు. నేడు (సెప్టెంబర్ 1) జరిగిన గ్రాండ్ లాంచ్ ఈవెంట్ ద్వారా హౌస్‍లోకి ఆమె వెళ్లారు. 

బిగ్‍బాస్ సీజన్ 8లో 6వ కంటెస్టెంట్‍గా హౌస్‍లోకి అడుగుపెట్టారు సోనియా. సెన్సేషనల్ డైరెక్టర్ రామ్‍గోపాల్ వర్మ (ఆర్జీవీ) దర్శకత్వం వహించిన ‘కరోనా వైరస్ (2020)’ మూవీలో సోనియా ఆకుల హీరోయిన్‍గా నటించారు. 

అంతకుముందు, 2019లో వచ్చిన జార్జిరెడ్డి చిత్రంలోనూ సోనియా ఓ పాత్ర పోషించారు. ఆశా ఎన్‍కౌంటర్ సినిమాలోనూ ఆమె ప్రధాన పాత్ర పోషించారు. అర్జీవీ ‘వ్యూహం’ చిత్రంలోనూ ఓ పాత్ర చేశారు. మోడల్‍గా కెరీర్ ఆరంభించిన సోనియా.. సినిమాల్లోకి వచ్చారు. 

బిగ్‍బాస్‍ తెలుగు 8వ సీజన్‍కు వెళ్లిన సోనియాకు విషెస్ చెప్పారు రామ్‍గోపాల్ వర్మ. ఈ వీడియోను గ్రాండ్ లాంచ్ ఈవెంట్‍లో చూపించారు హోస్ట్ నాగార్జున. బిగ్‍బాస్ టైటిల్‍ను సోనియా గెలుస్తారని తనకు నమ్మకం ఉందని ఆర్జీవీ అన్నారు. 

స్మైల్ చాలా చక్కగా ఉందని సోనియాను ప్రశంసించారు హోస్ట్ నాగార్జున. సోనియాకు బడ్డీగా హౌస్‍లోకి అడుగుపెట్టారు ‘లాహిరి లాహిరి లాహిరిలో’ హీరో ఆదిత్య ఓం.