తెలుగు న్యూస్ / ఫోటో /
అరుదైన పంచ దివ్య రాజయోగం: ఈ రాశుల వారికి కలిసి రానున్న అదృష్టం
Jun 09, 2024, 02:56 PM , IST
Pancha Divya Rajyog 2024: చాలా ఏళ్ల తర్వాత ఐదు రాజయోగాల కలయిక ఉండనుంది. ఈ అరుదైన పంచ దివ్య రాజయోగం కొన్ని రాశుల వారికి విపరీతమైన లాభాలను తెచ్చిపెట్టనుంది.
(1 / 5)
జ్యోతిష శాస్త్రం ప్రకారం ప్రతీ గ్రహం నిర్ణీత కాలంలో తన స్థానాలను మారుస్తూ ఉంటుంది. దీని వల్ల రాశులపై ప్రభావం పడుతుంది. అయితే, గ్రహాల స్థితి కారణంగా ఐదు రాజయోగాలు కలిసే తరుణం ప్రారంభమైందని జ్యోతిషులు చెబుతున్నారు. ఈ పంచదివ్య రాజయోగం వల్ల కొన్ని రాశుల వారికి లాభాలు చేకూరనున్నాయి.
(2 / 5)
బుధాదిత్య, మాలవీయ, శశ, లక్ష్మీనారాయణ, గజలక్ష్మి రాజయోగాలు ఈ జూన్‍ నెలలోనే ఉన్నాయి. ఈ ఐదు మహాయోగాల ఫలితంగా పంచ దివ్య రాజయోగం ఉండనుంది. దీనివల్ల కొన్ని రాశుల వారికి ఈ కాలంలో అదృష్టం కలిసి రానుంది. ఆ వివరాలు ఇవే.
(3 / 5)
మిథునం: పంచ దివ్య రాజయోగం మిథున రాశి వారికి కలిసి వస్తుంది. ఈ కాలంలో పెట్టుబడుల నుంచి వీరికి లాభాలు అధికంగా వచ్చే అవకాశం ఉంటుంది. భవిష్యత్తు కోసం పెట్టుబడులు పెట్టేందుకు కూడా మంచి సమయంగా ఉంటుంది. ఇప్పుడు ప్రారంభించే పనులు భవిష్యత్తులో సత్ఫలితాలను ఇస్తాయి. వీరికి సమాజంలో గౌరవం కూడా పెరుగుతుంది. ఈ కాలంలో కొందరికి విదేశీయానం కూడా ఉండొచ్చు.
(4 / 5)
మకరం: ఈ కాలంలో ఈ రాశుల వారు ఆకస్మికంగా ధనం పొందే అవకాశం ఉంది. పెద్ద బాధ్యతలు కూడా లభించొచ్చు. ఉద్యోగం కోసం చూస్తున్న వారికి ఫలితాలు దక్కుతాయి. మొండి రుణాలు వసూలయ్యే అవకాశాలు ఉంటాయి. ఆర్థిక పరిస్థితి ముందు కంటే మెరుగవుతుంది. ఆనందం పెరుగుతుంది. ఇళ్లు, కారు లాంటివి కొనుగోలు చేయవచ్చు.
(5 / 5)
వృషభం: ఈకాలంలో వృషభ రాశి వారికి పెట్టుబడుల ద్వారా మంచి లాభం చేకూరుతుంది. వ్యాపారంలో లాభాలు పొందుతారు. కొందరికి సంతానానికి సంబంధించి శుభవార్తలు వచ్చే అవకాశం ఉంటుంది. గొడవలు తీరిపోతాయి. ఉద్యోగం కోసం అన్వేషిస్తున్న వారి ప్రయత్నాలు ఫలించొచ్చు. (గమనిక: ఈ కథనం శాస్త్రాలు, విశ్వాసాలపై ఆధారపడినది. దీనికి శాస్త్రీయ ఆధారాలు ఉండవు. నమ్మకాలపై ఆధారపడి ఉంటుంది)
ఇతర గ్యాలరీలు