Stop Snoring । ఈ చిట్కాలను పాటించి గురకను నివారించండి, నిశబ్దంగా నిద్రపోండి!

చాలా మందికి నిద్రలో గురక పెట్టే అలవాటు ఉంటుంది. దీంతో వారి దగ్గర పడుకునే వారు నిద్రలేచి కూర్చుంటారు. గురక కూడా ఒక అనారోగ్య సమస్య, దీనిని నిర్లక్ష్యం చేయడం వల్ల పెద్ద సమస్యలకు దారి తీస్తుంది. అందుకే ఈ చిట్కాలు చూడండి.

మీ వాయుమార్గాలను తెరవడానికి పడుకునే ముందు ముఖ ఆవిరిని తీసుకోండి.

అధిక బరువు ఉన్నవారు ఎక్కువగా గురక పెడతారు. అధిక బరువు ఉన్నవారిలో మెడ చుట్టూ అదనపు కొవ్వు పేరుకుపోతుంది. ఇది వారి శ్వాసనాళాలను ఇరుకుగా మార్చి, గురకకు కారణమవుతుంది. కావున బరువు తగ్గాలి.

అలసట మీ గురకకు కారణం కావచ్చు. అందుకే ప్రతి రాత్రి 7 నుండి 9 గంటలు నిద్రపోవాలి.

అల్లం చాలా రకాల గొంతు సమస్యలకు ఔషధం, గురకకు కూడా. గురక సమస్య నుండి బయటపడటానికి రోజుకు రెండుసార్లు అల్లం, తేనె కలిపిన టీ తాగండి

సైనస్ వంటి సమస్యలకు  వెల్లుల్లి ప్రయోజనకరం. మీరు గురక లేని మంచి నిద్రను పొందడానికి మీ ఆహారంలో వెల్లుల్లిని తప్పనిసరిగా చేర్చుకోవాలి.

మీరు పడుకునే భంగిమ మీ వాయుమార్గాలను నిరోధిస్తుండవచ్చు. మీరు గురక పెట్టినట్లు అనిపిస్తే, మీ నిద్ర స్థానాన్ని మార్చుకోండి.

పడుకునే ముందు మద్యం సేవించి ఉంటే, అది మీ గురకకు కారణం కావచ్చు. పడుకునే కొన్ని గంటల ముందు తాగడం వల్ల మీ గొంతులోని కండరాలు సడలించి, గురకకు కారణమవుతాయి. దీనితో పాటు రోజూ పొగతాగేవాళ్లు కూడా గురకకు గురవుతారు. ఇవి మానేయాలి.