Diabetes - Ayurvedic Remedies । షుగర్ వ్యాధికి ఆయుర్వేదంతో చెక్ పెట్టండి, ఇవిగో మూలికలు!

మధుమేహం ఒక దీర్ఘకాలిక సమస్య, దీని కారణంగా గుండె జబ్బుల ముప్పు కూడా అధికంగా ఉంటుంది. ఆయుర్వేద నివారణ మార్గాలతో దీని నుంచి బయటపడవచ్చు. 

పునర్నవ: పునర్నవ అనే మూలిక రక్తంలో చక్కెర స్థాయిలను తగ్గించడంలో సహాయపడుతుంది. మీకు డయాబెటిస్ ఉన్నట్లయితే,  రెండు నుండి ఐదు గ్రాముల పునర్నవ మూలికను ప్రతిరోజూ ఖాళీ కడుపుతో తీసుకోవాలి.

నల్ల మిరియాలు ఇన్సులిన్ సెన్సిటివిటీని మెరుగుపరచడంలో సహాయపడతాయి. చెడు కొలెస్ట్రాల్, ట్రైగ్లిజరైడ్‌లను కూడా తగ్గిస్తుంది. వయసు పెరిగిన వారిలో గుండెపోటులను నివారించడంలో సహాయపడుతుంది. ప్రతిరోజూ ఉదయం 1 స్పూన్ నల్ల మిరియాలు ఏ రూపంలో అయినా తీసుకోవచ్చు.

 శొంఠి జీవక్రియలను ఉత్తేజపరుస్తుంది. ఇది శరీరంలో మంటను కూడా తగ్గిస్తుంది, గుండె ఆరోగ్యానికి మంచిది. భోజనానికి ముందు రోజుకు ఒకసారి గోరు వెచ్చని నీటిలో సగం టీస్పూన్ శొంఠి పొడిని కలిపి తీసుకోవచ్చు

ఏలకులు ఆయుర్వేదంలో ప్రధానమైన మూలికలలో ఒకటి. ఇది ఆహార కోరికలను అదుపులో ఉంచుతుంది. తద్వారా రక్తంలో చక్కెర స్థాయిలు అదుపులో ఉంటాయి. గుండెను కూడా ఆరోగ్యంగా ఉంచుతుంది. 

 దాల్చిన చెక్క: ఇది మరొక అద్భుతమైన ఆయుర్వేద మూలిక. ఇది రక్తంలో కొలెస్ట్రాల్‌ను తగ్గించడంలో సహాయపడుతుంది. అలాగే, రక్తపోటును నియంత్రించడంలో సహాయపడుతుంది.