తెలుగు న్యూస్ / ఫోటో /
Ganga saptami 2024: గంగా సప్తమి రోజున ఇవి దానం చేస్తే అదృష్టం, గౌరవం పెరుగుతాయి!
May 13, 2024, 10:25 PM , IST
Ganga saptami 2024: గంగా సప్తమి పర్వదినం మే 14వ తేదీన వచ్చింది. ఈ విశిష్టమైన రోజున కొన్ని దానం ఇవ్వడం వల్ల అదృష్టం పెరుగుతుంది. మరిన్ని ప్రయోజనాలు చేకూరుతాయి.
(1 / 8)
గంగా సప్తమిని రేపు (మే 14) జరుపుకోనున్నాం. దీన్ని గంగా జయంతి అని కూడా పిలుస్తారు. ఈ రోజున గంగా దేవీ ఆరాధనకు అంకితంగా భావిస్తారు.
(2 / 8)
గంగా సప్తమి రోజున గంగా నదిలో స్నానం చేయడం వల్ల చాలా ప్రయోజనాలు దక్కుతాయి. ఈ పర్వదినం రోజున నదీ స్నానం వల్ల బాధలు, రోగాలు తగ్గి.. అనేక శుభాలు కలుగుతాయనే నమ్మకం ఉంది. అలాగే, గంగా సప్తమి రోజున అవసరార్థులకు కొన్ని రకాల వస్తువులను దానం చేయడం వల్ల చాలా ప్రయోజనాలు ఉంటాయి.
(3 / 8)
జ్యోతిష శాస్త్రం ప్రకారం, గంగా సప్తమి రోజున గంగను పూజించడం వల్ల అశుభ ప్రభావాలు తగ్గుతాయి. ఈ రోజున చేసే దానాల ఫలాలు అనేక జన్మల్లో సద్గుణాల రూపంలో దక్కుతాయి.
(4 / 8)
గంగా సప్తమి రోజున నదీ స్నానం చేసిన తర్వాత గోధుమలను దానం చేయాలి. దీనివల్ల వ్యక్తి కీర్తి, గౌరవం పెరగటంతో పాటు సంతోషాన్ని పొందుతారనే విశ్వాసం ఉంది. (HT_PRINT)
(5 / 8)
గంగా సప్తమి రోజున జలదానం చేయడం చాలా మంచిది. ఈరోజున అవసరమైన వారికి నీటిని ఇవ్వడం వల్ల పూర్వజన్మల పాపాలు తొలగిపోతాయి. అభివృద్ధికి ఉన్న ఆటంకాలు, గ్రహాల అశుభ ప్రభావాలు తగ్గుతాయి. (PTI)
(6 / 8)
గంగా సప్తమి రోజున మహిళలకు కుంకుమ, గోరింటాకు, గాజులు, దుస్తులు, ఆభరణాలు లాంటి అలంకరణ వస్తువులు దానం చేయండి. ఇలా చేస్తే లక్ష్మీదేవి ఆశీర్వాదం లభిస్తుందనే విశ్వాసం ఉంది. అలాగే, చాలా అదృష్టం కలిసి వస్తుంది.
(7 / 8)
గంగా సప్తమి రోజు సాధారణంగా మండు వేసవిలో వస్తుంది. అందుకే మనుషులకు చలువ చేసేందుకు ఉపయోగపడే పప్పు ధాన్యాల పిండిని అవసరార్థులకు దానం చేయడం శుభప్రదంగా ఉంటుంది. దీనివల్ల వ్యక్తి రాశిచక్రంలో సూర్యుడి స్థానం బలపడుతుందనే నమ్మకం ఉంది.
ఇతర గ్యాలరీలు