Family Star OTT: ఓటీటీలోకి వచ్చేస్తున్న ఫ్యామిలీ స్టార్ సినిమా.. ఎప్పుడు.. ఎక్కడ చూడొచ్చు?

భారీ అంచనాలతో ‘ది ఫ్యామిలీ స్టార్’ సినిమా ఏప్రిల్ 5వ తేదీన థియేటర్లలో రిలీజ్ అయింది. రౌడీ స్టార్ విజయ్ దేవరకొండ, మృణాల్ ఠాకూర్ హీరోహీరోయిన్లుగా నటించిన ఈ చిత్రం బాక్సాఫీస్ వద్ద నిరాశపరిచింది. దీంతో ఈ మూవీ మూడు వారాల్లోనే ఓటీటీలోకి వచ్చేస్తోంది.

ఫ్యామిలీ స్టార్ సినిమా ఏప్రిల్ 26వ తేదీన అమెజాన్ ప్రైమ్ వీడియో ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ఈ విషయాన్ని ఆ ప్లాట్‍ఫామ్ అధికారికంగా వెల్లడించింది. 

ఏప్రిల్ 26న ప్రైమ్ వీడియోలో తెలుగు, తమిళంలో ది ఫ్యామిలీ స్టార్ సినిమా స్ట్రీమింగ్‍కు రానుంది. అంచనాల కంటే ముందే ఈ చిత్రం ఓటీటీలోకి అడుగుపెడుతుంది. 

ఫ్యామిలీ స్టార్ మూవీకి పరశురామ్ దర్శకత్వం వహించారు. విజయ్ - పరశురామ్ దర్శకత్వంలో గతంలో గీతగోవిందం సూపర్ హిట్ కాగా.. ఈసారి ఈ మ్యాజిక్ రిపీట్ కాలేదు.  ఫ్యామిలీ స్టార్ చిత్రం ఫ్లాఫ్‍గా నిలిచింది. సుమారు రూ.50కోట్లతో రూపొందిన ఈ మూవీకి రూ.35కోట్ల లోపు కలెక్షన్లు వచ్చాయి.

ఫ్యామిలీ స్టార్ మూవీని శ్రీవెంకటేశ్వర క్రియేషన్స్ పతాకంపై దిల్‍రాజు, శిరీష్ నిర్మించారు. విజయ్, మృణాల్‍తో పాటు దివ్యాంశ కౌశిర్, జగపతి బాబు, వెన్నెల కిశోర్, రవిప్రకాశ్, రాజా చెంబోలు, వాసుకీ ఆనంద్ ఈ మూవీలో కీలకపాత్రలు చేశారు. ఈ చిత్రానికి గోపీసుందర్ సంగీతం అందించారు.