Black Cumin: నల్లజీలకర్ర తినమని చెబుతున్న ఆయుర్వేదం, ఆ సమస్యలన్నీ దూరం

సాధారణ జలుబులో ఇబ్బందిపెట్టే విషయం ముక్కు దిబ్బడ.  జలుబు వల్ల శరీరం అసౌకర్యంగా అనిపిస్తుంది. ఆయుర్వేదం ప్రకారం కలోంజి ని తింటే జలుబు, దగ్గు వంటి సమస్యలు చాలా వరకు తగ్గిపోతాయి.

నల్ల జీలకర్ర నీటిలో చిన్న వస్త్రాన్ని ముంచి ముక్క దగ్గర పెట్టుకోవాలి. ఇలా చేయడం వల్ల జలుబు త్వరగా తగ్గుతుంది. బెంగాల్‌లో ఈ సంప్రదాయం రెమెడీ. 

ఒక టీస్పూన్ నల్ల జీలకర్ర, మూడు టీస్పూన్ల తేనె, రెండు టీస్పూన్ల తులసి ఆకుల రసం కలిపి తింటే జలుబు వంటి సమస్యలు తగ్గుతాయి. జ్వరం కూడా తగ్గుతుంది.

నల్ల జీలకర్ర పేస్ట్‌ను జలుబుకు మంచి ఔషధంలా పనిచేస్తుంది. బెంగాలీలు  చేపల కూరలో వెల్లుల్లి, నల్ల జీలకర్ర పేస్ట్ వేసి వండుతారు. ఆ పులుసును తినడం వల్ల జలుబు తగ్గుతుంది.   నల్ల జీలకర్ర పేస్టును నుదుటిపై అప్లై చేయాలి.  నల్ల జీలకర్ర శ్వాసకోశ సమస్యలను తగ్గిస్తుందని చాలా మంది నిపుణులు చెబుతున్నారు.

రోగనిరోధక శక్తికి, పొట్టనొప్పి సమస్యలకు కలోంజి మేలు చేస్తుంది.  నల్ల జీలకర్రను తినడం వల్ల రోగనిరోధక శక్తి పెరుగుతుంది.  అరకప్పు చల్లటి పాలలో కలోంజి పొడిని చిటికెడు వేసుకుని తాగితే అజీర్ణం తగ్గుతుంది. ఈ నల్ల జీలకర్రతో చేసిన నూనెను వాడితే జుట్టు రాలడాన్ని తగ్గిస్తుంది. మైగ్రేన్ సమస్యలను తగ్గిస్తుంది. నుదుటిపై నూనెతో మసాజ్ చేస్తే మైగ్రేన్ నొప్పి నుండి బయటపడవచ్చు.