Cancel Tejashwi bail in IRCTC scam: ‘తేజస్వీ మా అధికారులను బెదిరించారు’

Cancel Tejashwi bail in IRCTC scam: IRCTC స్కామ్ లో బిహార్ ఉప ముఖ్యమంత్రి తేజస్వీ యాదవ్ కు మంజూరు చేసిన బెయిల్ ను రద్దు చేయాలని సీబీఐ శనివారం ఢిల్లీ లోని సీబీఐ ప్రత్యేక కోర్టును కోరారు.

Cancel Tejashwi bail in IRCTC scam: తేజస్వీకి నోటీసులు

సీబీఐ అభ్యర్థన మేరకు సీబీఐ ప్రత్యేక కోర్టు తేజస్వీ యాదవ్ కు నోటీసులు జారీ చేసింది. సెప్టెంబర్ 28 లోపు స్పందించాలని ఆ నోటీసుల్లో తేజస్వీని ఆదేశించింది. ఇటీవల జరిగిన ఒక మీడియా సమావేశంలో.. సీబీఐ అధికారులను బెదిరించేలా తేజస్వీ మాట్లాడారని సీబీఐ కోర్టుకు తెలిపింది. IRCTC హోటళ్ల మెయింటెనెన్స్ కాంట్రాక్ట్ లో జరిగిన అవినీతికి సంబంధించిన కేసును సీబీఐ విచారించింది. ఈ కేసులో తేజస్వీ యాదవ్ కు, ఆయన తల్లి, బిహార్ మాజీ ముఖ్యమంత్రి రబ్రీ దేవికి 2018 ఆగస్ట్ లో బెయిల్ మంజూరైంది. ఈ కేసులో 12 మంది వ్యక్తులు, రెండు కంపెనీలపై సీబీఐ చార్జిషీట్ నమోదు చేసింది. రాంచిలో, ఒడిశాలోని పురిలో ఉన్న IRCTC హోటళ్ల మెయింటనెన్స్ కాంట్రాక్ట్ కు సంబంధించి అవకతవకలు జరిగాయని సీబీఐ ఆరోపిస్తోంది. 2006లో ఈ కాంట్రాక్ట్ ను ఇచ్చినందుకు గానూ తేజస్వీ కుటుంబం పట్నా లోని ప్రైమ్ లొకేషన్ లో మూడు ఎకరాల ప్లాట్ ను లంచంగా పొందారన్నది సీబీఐ ప్రధాన ఆరోపణ. ఇదే కేసుకు సంబంధించి ఈడీ కూడా చార్జిషీట్ నమోదు చేసింది.