Southwest Monsoon in Kerala : ప్చ్​.. నైరుతి రుతుపవనాల రాక మరింత ఆలస్యం!-southwest monsoon rains may be delayed in kerala see details ,జాతీయ - అంతర్జాతీయ న్యూస్
తెలుగు న్యూస్  /  National International  /  Southwest Monsoon Rains May Be Delayed In Kerala See Details

Southwest Monsoon in Kerala : ప్చ్​.. నైరుతి రుతుపవనాల రాక మరింత ఆలస్యం!

Sharath Chitturi HT Telugu
Jun 04, 2023 11:44 AM IST

Southwest Monsoon in Kerala 2023 : నైరుతి రుతుపవనాల రాక మరింత ఆలస్యమవుతుందని తెలుస్తోంది. కేరళలోకి రుతుపవనాలు ఇంకా ప్రవేశించలేదని సమాచారం.

కేరళను తాకని నైరుతి రుతుపవనాలు..!
కేరళను తాకని నైరుతి రుతుపవనాలు..! (PTI)

Southwest Monsoon in Kerala 2023 : ఎండలతో అల్లాడిపోతున్న ప్రజలకు మరో బ్యాడ్​ న్యూస్​! నైరుతి రుతుపవనాల రాక మరింత ఆలస్యం అయ్యే సూచనలు కనిపిస్తున్నాయి. వాస్తవానికి.. రుతుపవనాలు.. ఆదివారమే కేరళను తాకాల్సి ఉంది. కానీ ఈ ప్రక్రియ ఇప్పుడు మరింత ఆలస్యమైందని స్థానిక మీడియా వెల్లడించింది.

ట్రెండింగ్ వార్తలు

నైరుతి రుతుపవనాలు సాధారణంగా ప్రతియేటా జూన్​ 1కి అటు, ఇటుగా కేరళలోకి ప్రవేశిస్తాయి. ఈసారి జూన్​ 4 నాటికి అవి కేరళను తాకుతాయని వాతావరణ విభాగం అంచనా వేసింది. కానీ ఇప్పుడు ఇలా జరగడం లేదని సమాచారం.

ఎందుకు ఆలస్యం..?

నైరుతి రుతుపవనాలు జూన్​ 3 నాటికి లక్షద్వీప్​కు పశ్చిమ భాగాన్ని తాకాయి. అక్కడి నుంచి కేరళలోవైపు కదిలేందుకు అనుకూలమైన వాతావరణం ఏర్పడలేదు. అందుకే అవి ఆదివారం నాటికి కేరళలోకి ప్రవేశించలేకపోతున్నాయని వాతావరణశాఖ తెలిపినట్టు స్థానిక మీడియా సంస్థ పేర్కొంది.

Southwest Monsoon latest news : రుతుపవనాల రాకను లెక్కగట్టేందుకు కొన్ని కండీషన్లు ఉంటాయి. పశ్చిమవైపు ఉన్న గాలుల బలం, లక్షద్వీప్ నుంచి కేరళ వరకు​ మేఘాల విస్తరణ వంటిని లెక్కిస్తారు. వీటితో పాటు కేరళలోని 14 వాతావరణ కేంద్రాల్లో వరుసగా రెండు రోజుల పాటు 60శాతం (కనీసం 2ఎంఎం వర్షపాతం) వర్షాలు పడాలన్నది మరో కండీషన్​. ఈ ఏడాది ఇప్పటివరకు ఇవేవీ జరగలేదు.

మరోవైపు సోమవారం.. అరేబియా సముద్రానికి నైరుతి దిశలో సుడిగాలులు ఏర్పడే అవకాశం ఉంది. అది అల్పపీడనంగా మారే అవకాశం ఉంది. వాతావరణశాఖ రానున్న రెండు రోజుల పాటు ఈ ప్రక్రియను నిశితంగా పర్యవేక్షిస్తుంది.

ఢిల్లీలో వర్షాలు..!

మరోవైపు ఢిల్లీతో పాటు పరిసర ప్రాంతాల్లో ఆదివారం తేలికపాటి వర్షాలు పడే అవకాశం ఉందని ఐఎండీ (భారత వాతావరణశాఖ) వెల్లడించింది. ఉత్తర్​ ప్రదేశ్​, రాజస్థాన్​లలోనూ నేడు వర్షాలు కురుస్తాయని పేర్కొంది.

ఇక హైదరాబాద్​లో వాతావరణ చల్లబడింది. శనివారం సాయంత్రం వరకు భానుడి భగభగలకు ప్రజలు అల్లాడిపోయారు. కాగా.. అర్ధరాత్రి కొన్ని ప్రాంతాల్లో వర్షాలు పడ్డాయి. ఆదివారం ఎండ తీవ్రత తక్కువగా ఉంది.

WhatsApp channel

సంబంధిత కథనం