స్కోడా మిడ్ సైజ్ ఎస్‌యూవీ కుషాక్ మాంటే కార్లో ఎడిషన్ విడుదల

కుషాక్ మాంటే కార్లో సిక్స్-స్పీడ్ మ్యాన్యువల్ ట్రిమ్ 1 లీటర్ పెట్రోల్ వెర్షన్ ఇంజన్ ధర రూ. 15.99 లక్షలు కాగా, ఆటోమేటిక్ వేరియంట్ ధర రూ. 17.69 లక్షలు.

అదేవిధంగా 1.5 లీటర్ ఇంజన్‌తో కూడిన మోంటే కార్లో ఎడిషన్ మాన్యువల్ ట్రిమ్ ధర రూ. 17.89 లక్షలు కాగా, సెవెన్-స్పీడ్ ఆటోమేటిక్ ట్రిమ్‌లో హైఎండ్ రేంజ్ రూ. 19.49 లక్షలుగా ఉంది.

స్కోడా ఆటో ఇండియా బ్రాండ్ డైరెక్టర్ జాక్ హోలిస్ మాట్లాడుతూ ‘మాంటే కార్లో ఎడిషన్ ప్రత్యేకమైన వీల్స్, సీట్లు, బ్లాక్ ఇంటీరియర్స్‌తో స్పోర్టినెస్ కలిగి ఉంది.’ అని చెప్పారు. స్కోడా ప్రస్తుతం దేశీయ విపణిలో నెలకు దాదాపు 2,500-3,000 యూనిట్ల మధ్య తరహా ఎస్‌యూవీని విక్రయిస్తోంది.

కుషాక్ మోంటే కార్లో 'టోర్నడో రెడ్', 'క్యాండీ వైట్' రంగులలో వస్తోంది. కుషాక్ మాంటే కార్లో 1.0 టీఎస్ఐ ఇంధన సామర్థ్యాన్ని మెరుగుపరిచే ఫీచర్స్ కలిగి ఉంటుంది.

ఇటీవలే విడుదల చేసిన మోడల్ స్లావియా నెలకు దాదాపు 2,500-3,000 యూనిట్ల విక్రయాలతో మెరుగైన పనితీరు కనబరుస్తోందని హోలిస్ పేర్కొన్నారు.

‘ప్రారంభించిన రెండో నెలలోనే మిడ్-సైజ్ సెడాన్ సెగ్మెంట్‌లో నంబర్ వన్‌గా నిలిచాం. అదే విధంగా కుషాక్ మిడ్-సైజ్ ఎస్‌యూవీ విభాగంలో మూడవ స్థానంలో ఉంది. కాబట్టి రెండు కార్లు బాగా రాణిస్తున్నాయి..’ అని తెలిపారు.