Cop hit by SUV : షాకింగ్​.. ఎస్​యూవీ ఢీకొట్టడంతో గాలిలోకి ఎగిరి పడిన పోలీసు- వీడియో వైరల్​!

Delhi police hit by SUV : దిల్లీలో షాకింగ్​ ఘటన వెలుగులోకి వచ్చింది. ఓ ఎస్​యూవీ.. ఓ పోలీసును బలంగా ఢీకొట్టింది. ఫలితంగా.. ఆయన గాలిలో ఎగిరిపడ్డారు. ఈ ఘటనకు సంబంధించిన దృశ్యాలు సామాజిక మాధ్యమాల్లో వైరల్​గా మారాయి.

ఇదీ జరిగింది..

దిల్లీలోని ప్రముక కన్నౌట్​ ప్లేస్​ మార్కెట్​ వద్ద ఈ నెల 24-25 అర్ధరాత్రి వేళ ఈ ఘటన చోటుచేసుకుంది.ఈ ఘటనకు సంబంధించిన దృశ్యాలు స్థానిక సీసీటీవీ కెమెరాకు చిక్కాయి.

వీడియోలో.. ఓ చెక్​ పోస్ట్​ కనిపిస్తోంది. అక్కడే ఉన్న ఓ పోలీసు.. ఓ కారును ఆపి, మాట్లాడుతుండటం వీడియోలో రికార్డు అయ్యింది. ఇంతలో.. ఓ ఎస్​యూవీ వేగంగా అటువైపు వచ్చింది. పోలీసును ఢీకొట్టింది. ఫలితంగా.. ఆ పోలీసు అధికారి గాలిలో ఎగిరి.. కొన్ని అడుగుల దూరంలో కింద పడ్డారు.

Police hit by car viral video : అక్కడే ఉన్న స్థానికులు ఈ దృశ్యాలు చూసి ఒక్కసారిగా షాక్​కు గురయ్యారు. షాక్​ నుంచి వెంటనే తేరుకుని.. పోలీసును ఆసుపత్రికి తరలించారు.

"ఆ కానిస్టేబుల్​ని ఎస్​యూవీ ఢీకొట్టింది. మా కళ్ల ముందే ఆయన గాలిలో పైకి ఎగిరి పడ్డారు. కాలికి, తలకి గాయాలయ్యాయి. ఆసుపత్రికి తీసుకెళ్లాము," అని ప్రత్యక్ష సాక్షి ఒకరు చెప్పారు.

Delhi police latest news : మరోవైపు.. పోలీసును ఢీకొట్టిన తర్వాత.. ఆ ఎస్​యూవీ డ్రైవర్​ అక్కడి నుంచి పారిపోయేందుకు విశ్వ ప్రయత్నాలు చేశాడు. కానీ.. ఘటనపై సమాచారం అందుకున్న పోలీసులు.. వెంటనే స్పందించి.. అతడిన సకాలంలో పట్టుకుని, అరెస్ట్​ చేశారు.

ఈ ఘటనపై కేసు నమోదు చేసినట్టు, దర్యాప్తు కొనసాగుతున్నట్టు అధికారులు వెల్లడించారు.

సామాజిక మాధ్యమాల్లో వైరల్​గా మారిన వీడియోను ఇక్కడ చూడండి :