Wagh Nakh return : ఇండియాకు తిరిగిరానున్న ఛత్రపతి శివాజీ 'ఆయుధం'..!

Wagh Nakh return : 1659లో ఛత్రపతి శివాజీ మహరాజ్​ ఉపయోగించిన ఆయుధం 'వాఘ్​ నఘ్​'.. ఎట్టకేలకు ఇండియాకు తిరిగిరానుంది! ఇంతకాలం లండన్​లోని విక్టోరియా అండ్​ అల్బర్ట్​ మ్యూజియంలో ఉన్న ఈ ఆయుధం.. ఈ నవంబర్​ నాటికి దేశానికి తిరిగి వస్తుందని అంచనాలు ఉన్నాయి.

ఈ వాఘ్​ నఘ్​తోనే.. బిజాపూర్​ సల్తనేట్​ జనరల్​ అఫ్జల్​ ఖాన్​ను హతమార్చారు శివాజీ. చర్మ, కండరాలను చీల్చుకునే విధంగా ఈ ఆయుధాన్ని రూపొందించారు. సైజు, ఆకారంలో చిన్నగా ఉన్నా.. ప్రత్యర్థులకు బలమైన గాయాలు చేయగలిగే సత్తా ఈ వాఘ్​ నఘ్​కు ఉంటుంది.

Wagh Nakh return to India : "ఛత్రపతి శివాజీ మహరాజ్​ పట్టాభిషేకానికి 350ఏళ్లు పూర్తవుతోంది. ఈ ఘట్టాన్ని వేడుకగా చేసుకుంటున్నాము. అందుకే.. వాఘ్​ నఘ్​ను తిరిగి ఇండియాకు తీసుకొచ్చేందుకు ప్రయత్నాలు చేస్తున్నాము. శివ భక్తులందరూ ఈ ఆయుధాన్ని చూడాలి. ప్రధాని మోదీ- అమిత్​ షాలు చేస్తున్న గొప్ప పనికి ఇది ఒక చిహ్నంగా నిలిచిపోతుంది. బ్రిటన్​తో అక్టోబర్​ 3న ఒక ఎంవోయూపై సంతకం చేస్తాము. వాఘ్​ నఘ్​ను ఇండియాకు తీసుకొస్తాము. ఈ వాఘ్​నఘ్​.. ఈ తరం వారికి స్ఫూర్తిదాయకంగా మారుతుంది," అని మహారాష్ట్ర సాంస్కృతికశాఖ సహాయ మంత్రి సుధీర్​ ముంగంతివార్​ వెల్లడించారు. ఇండియాకి తీసుకొచ్చిన తర్వాత.. ఈ వాఘ్​ నఘ్​ను దక్షిణ ముంబైలోని ఛత్రపతి శివాజీ మహరాజ్​ వాస్తు సంఘ్రాలయలో ప్రదర్శను ఉంచనున్నట్టు తెలుస్తోంది.

అయితే వాఘ్​ నఘ్​ ఆయుధంపై విక్టోరియా అండ్​ ఆల్బర్ట్​ మ్యూజియం వాదన మరో విధంగా ఉంది. ఈ ఆయుధం.. ఈస్ట్​ ఇండియా కంపెనీ అధికారి జేమ్స్​ గ్రాంట్​ డుఫ్​కు చెందిందని చెబుతోంది. మరాఠా పేషాకు చెందిన ప్రధాని నుంచి ఆయన దీనిని గిఫ్ట్​గా పొందారని అంటోంది. కానీ ఆ ఆయుధంపై ఉన్న బ్లేడ్స్​ మీద.. 'మొఘల్​ జనరల్​ను హతమార్చిన శివాజీ వాఘ్ ​నఘ్​' అని రాసి ఉంది.

Chhatrapati Shivaji Maharaj Wagh Nakh weapon : అఫ్జల్​ ఖాన్​ హత్య.. మరాఠా చరిత్రలోనే అతి కీలకమైన ఘట్టం. భారీ మొత్తంలో సైన్యం ఉన్నప్పటికీ.. మరాఠా యోధులు రచించి మాస్టర్​ ప్లాన్స్​ ముందు ఖాన్​ బృందం నిలబడలేకపోయింది. మరీ ముఖ్యంగా.. అఫ్జల్​ ఖాన్​ను ఇదే వాఘ్​ నఘ్​తో ఛత్రపతి శివాజీ హతమార్చారు. ఇదొక ఐరన్​ వెపన్​.