Ranveer Singh : 'మహిళల మనోభావాలు దెబ్బతిన్నాయి'.. న్యూడ్ ఫొటోలపై పోలీసులకు ఫిర్యాదు
Ranveer Singh nude photoshoot : న్యూడ్ ఫొటోషూట్తో రణ్వీర్ సింగ్ చిక్కుల్లో పడినట్టు తెలుస్తోంది. కొందరు.. ఆయనకు వ్యతిరేకంగా ముంబై పోలీసులకు ఫిర్యాదు చేశారని సమాచారం.
Ranveer Singh nude photoshoot : తన న్యూడ్ ఫొటోషూట్తో దేశవ్యాప్తంగా సంచలనం సృష్టించారు బాలీవుడ్ నటుడు రణ్వీర్ సింగ్. 'పేపర్' మ్యాగజైన్ కోసం ఆయన చేసిన న్యూడ్ ఫొటోషూట్ ఇప్పుడు సామాజిక మాధ్యమాల్లో వైరల్గా మారింది. చాలా మంది ఆయనకు మద్దతిస్తున్నారు. ఫ్యాన్స్ మాత్రం రణ్వీర్ న్యూడ్ ఫొటోలు చూసి థ్రిల్ అయిపోతున్నారు. అయితే.. న్యూడ్ ఫొటోల వ్యవహారం.. రణ్వీర్ సింగ్ను ఇబ్బందుల్లోకి నెట్టినట్టు తెలుస్తోంది. న్యూడ్ ఫొటోల విషయంలో ఆయనపై పోలీసులకు ఫిర్యాదు అందింది!
ముంబైలోని ఓ పోలీస్ స్టేషన్లో రణ్వీర్ సింగ్ న్యూడ్ ఫొటోషూట్పై కొందరు ఫిర్యాదు చేశారు. 'మహిళల మనోభావాలను దెబ్బతీసే విధంగా ఫొటోషూట్ ఉంది,' అంటూ ఫిర్యాదులో పేర్కొన్నారు. అయితే.. ఎవరు ఈ ఫిర్యాదు చేశారో తెలియరాలేదు. ఈ ఫిర్యాదుపై పోలీసులు చర్యలు తీసుకుంటారా? అన్న ప్రశ్నకు ప్రస్తుతం సమాధానం లేదు.
Ranveer Singh : రణ్వీర్ సింగ్ న్యూడ్ ఫొటోషూట్.. ఇప్పుడు ఒక హాట్ టాపిక్. రణ్వీర్ని ఏమైనా అంటే.. తాను ఊరుకోనని ప్రముఖ నటి ఆలియా భట్ తేల్చిచెప్పేశారు. ఇక రణ్వీర్ సింగ్ కొత్త ఫొటోషూట్కు.. ఆయన భార్య, ప్రముఖ నటి దీపికా పదుకోన్ ఫిదా అయిపోయారు.
అయితే.. మహిళలు కూడా ఇలాంటి ఫోటోషూట్ చేస్తే.. సమాజం ఒప్పుకుంటుందా? అని బెంగాలీ నటి మిమి చక్రవర్తి ప్రశ్నించారు.
సంబంధిత కథనం