Ola S1 pro speaker : క్రికెట్​ కామెంట్రీ కోసం ఓలా ఎస్​1 ప్రో 'స్పీకర్'​.. వీడియో వైరల్​!

Ola S1 pro speaker viral video : ఇండియాలో క్రికెట్​కు ఉన్న క్రేజ్​ గురించి ప్రత్యేకంగా చెప్పుకోవాల్సిన అవసరం లేదు. గల్లీ-గల్లీకి ఓ క్రికెట్​ మ్యాచ్​ జరుగుతునే ఉంటుంది. ప్లేయర్ల అరుపులు, ఫన్నీ కామెంట్రీలతో వీధులు కిటకిటలాడిపోతుంటాయి. ఇలాంటి కామెంట్రీనే ఒకటి ఇప్పుడు సామాజిక మాధ్యమాల్లో వైరల్​గా మారింది. అయితే.. ఇక్కడ కామెంట్రీ హైలైట్​ కాదు.. ఆ కామెంట్రీ కోసం ఉపయోగించిన పరికరమే! ఓలా స్కూటర్​కు ఉన్న స్పీకర్​తో ఆ క్రికెట్​ మ్యాచ్​లో కామెంట్రీ చెబుతుండటం విశేషం. వివరాల్లోకి వెళితే..

ఎలక్ట్రిక్​ స్కూటర్​ స్పీకర్​తో..

కస్టమర్లకు మంచి అనుభూతిని కలిగించేందుకు ఓలా సంస్థ సైతం నిత్యం కృషిచేస్తోంది. ఈ క్రమంలోనే.. ఓలా ఎలక్ట్రిక్​ స్కూటర్​లు నిత్యం వార్తల్లో ఉంటున్నాయి. ఇక ఇప్పుడు ఓలా ఎస్​ 1 ప్రో స్పీకర్లను క్రికెట్​ కామెంట్రీ కోసం వాడేశారు.

Ola S1 pro : సామాజిక మాధ్యమాల్లో వైరల్​గా మారిన ఈ దృశ్యాలను బికాశ్​ బెహెరా అనే నెటిజన్​ ట్వీట్​ చేశాడు. ఓలా సీఈఓ భవేష్​ అగర్వాల్​, ఓలా ఎలక్ట్రిక్​ను ట్యాగ్​ చేశాడు. ఈ వీడియో ఒడిశాకు చెందినదిగా తెలుస్తోంది. స్కూటర్​కు ఉన్న బ్లూటూత్​ను ఆ వ్యక్తి ఫోన్​కు కనెక్ట్​ చేశాడు. స్కూటర్​ పక్కనే నిలబడి.. ఎదురుగా జరుగుతున్న మ్యాచ్​కు కామెంట్రీ చెప్పడం మొదలుపెట్టారు. స్పీకర్​లో ఆ సౌండ్​ చాలా దూరం వరకు వెళ్లింది.

ఈ వీడియోను ఓలా ఫౌండర్​, సీఈఓ భవేష్​ అగర్వాల్​ కూడా షేర్​ చేశారు. 'మా వాహనాన్ని అత్యంత క్రియేటివ్​గా వాడుకున్న వీళ్లే!. ఇలాంటి వాటికోసం బండిని ఉపయోగిస్తారని నేను ఎప్పుడు అనుకోలేదు,' అంటూ ట్వీట్​ చేశారు భవేష్​. నెటిజన్లు సైతం ఈ వీడియో చూసి ఆశ్చర్యపోతున్నారు.

సామాజిక మాధ్యమాల్లో వైరల్​గా మారిన దృశ్యాలను ఇక్కడ చూడండి:

కాలేజ్​ పార్టీలో..

ఓలా ఎస్​ 1 ప్రో స్పీకర్లను ఈ విధంగా వాడుకోవడం ఇదేమీ మొదటిసారి కాదు. కర్ణాటకలోని ఓ కాలేజీలో జరిగిన ఎథ్నిక్​ డేలో సైతం.. స్పీకర్​కు బ్లూటూత్​ను కనెక్ట్​ చేసి మ్యూజిక్​ పెట్టుకున్నారు కొందరు స్టూడెంట్స్​. ఆ పాటలకు స్టెప్పులేసి ఎంజాయ్​ చేశారు.

ఓలాలో ముఖ్యమైన ఫీచర్​ వచ్చేసింది..

Ola Electric Scooters MoveOS 3 Update : ఓలా ఎస్1, ఓలా ఎస్1 ప్రో ఎలక్ట్రిక్ స్కూటర్లు వాడుతున్న వారు ఎప్పటి నుంచో ఎదురుచూస్తున్న మూవ్ఓస్ 3 వచ్చేసింది. ఈ విషయాన్ని ఓలా ఎలక్ట్రిక్ ఫౌండర్ భవీశ్ అగర్వార్ వెల్లడించారు. ఇప్పటి వరకు బీటా యూజర్లకు మాత్రమే అందుబాటులో ఉన్న ఈ ఓఎస్.. ఇక Ola S1, Ola S1 Pro యూజర్లందరికీ వచ్చాయి. ఈ కొత్త ఆపరేటింగ్ సిస్టమ్‍‍తో ఓలా ఎలక్ట్రిక్ స్కూటర్లకు చాలా ఉపయోగకరమైన ఫీచర్లు యాడ్ కానున్నాయి. పూర్తి వివరాల కోసం ఇక్కడ క్లిక్​ చేయండి.