Rishi Sunak UK PM : భారత్​తో రిషి సునక్​కు ఆత్మీయ అనుబంధం!-new uk pm rishi sunak s indian connection explained ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Rishi Sunak Uk Pm : భారత్​తో రిషి సునక్​కు ఆత్మీయ అనుబంధం!

Rishi Sunak UK PM : భారత్​తో రిషి సునక్​కు ఆత్మీయ అనుబంధం!

Chitturi Eswara Karthikeya Sharath HT Telugu
Oct 25, 2022 06:36 AM IST

Rishi Sunak UK PM : బ్రిటన్​ నూతన ప్రధాని రిషి సునక్​కు భారత్​తో ఆత్మీయ అనుబంధం ఉంది. ఆయన ఒత్తిడిలో ఉన్నప్పుడు భగవద్​ గీతను చదువుతారు.

భారత్​తో రిషి సునక్​కు ఆత్మీయ అనుబంధం!
భారత్​తో రిషి సునక్​కు ఆత్మీయ అనుబంధం! (AFP)

Rishi Sunak UK PM : బ్రిటీష్​ రాజ్యంలో తొలి భారత సంతతి ప్రధానమంత్రిగా చరిత్ర సృష్టించిన రిషి సునక్​పై సర్వత్రా ప్రశంసల వర్షం కురుస్తోంది. బ్రిటన్​ ప్రధానిగా ఆయన ఎంపికైన కొన్ని క్షణాల నుంచే.. రిషిపై సామాజిక మాధ్యమాల్లో పోస్టులు వెల్లువెత్తాయి. భారత సంతతి వ్యక్తి.. బ్రిటన్​లో అధికారాన్ని చేపట్టడంతో భారతీయులు సంబరాలు చేసుకుంటున్నారు. ఈ నేపథ్యంలో.. భారత్​తో రిషి సునక్​కు ఉన్న అత్మీయ అనుబంధాన్ని ఓసారి గుర్తుచేసుకుందాము.

క్రికెట్​ అంటే ఇష్టం.. భగవద్​ గీతపై ప్రమాణం..

రిషి సునక్​ తల్లిదండ్రులు ఇద్దరు భారత సంతతికి చెందినవారే. వారిద్దరు ఫార్మసిస్ట్​లు. 1960 దశకంలో తూర్పు ఆఫ్రికా నుంచి యూకేకు వలస వెళ్లిపోయారు. రిషి సునక్​ తండ్రి పేరు యశ్వీర్​ సునక్​. ఆయన నేషనల్​ హెల్త్​ సర్వీస్​లో పనిచేసేవారు. తల్లి పేరు ఉష సునక్​. ఆమె ఫార్మసి షాపు నడిపేవారు.

Rishi Sunak relation with India : ఇన్ఫోసిస్​ చీఫ్​ నారాయణ మూర్తి కుమార్తె అక్షతా మూర్తితో రిషి సునక్​ వివాహం జరిగింది. వీరిద్దరికి ఇద్దరు కుమార్తెలు ఉన్నారు. వారి పేర్లు కృష్ణ, అనౌష్క.

అత్తమామలను కలిసేందుకు రిషి సునక్​.. తన భార్య, పిల్లలతో కలిసి బెంగళూరుకు వస్తూ ఉంటారు.

తల్లిదండ్రులు తనకు నిత్యం భారత్​ గురించి చెప్పేవారని రిషి సునక్​ అనేకమార్లు చెప్పారు. అక్కడి విలువలను చెబుతూ తనను పెంచారని అన్నారు.

రిషి సునక్​కు స్టాన్​ఫర్డ్​ వర్సిటీలో డిగ్రీ ఉంది. ఆయన ఓ మాజీ ఇన్​వెస్ట్​మెంట్​ బ్యాంకర్​ కూడా. భారతీయుల్లాగే.. ఆయన తల్లిదండ్రులకు చదువు విలువు తెలుసు. అందుకే కష్టపడి రిషిని చదివించారు.

Rishi Sunak next UK PM : యార్క్​షైర్​ నుంచి ఎంపీగా గెలిచి పార్ల్​మెంట్​కు వెళ్లారు రిషి సునక్​. అక్కడ భగవద్​ గీతపై ప్రమాణం చేసి బాధ్యతలు స్వీకరించారు. బ్రిటన్​ పార్లమెంట్​లో ఇలా జరగడం అదే తొలిసారి!

మాజీ ప్రధాని బోరిస్​ జాన్సన్​ హయాంలో ఛాన్స్​లర్​గా పనిచేసిన రిషి సునక్​.. ఓ దీపావళి సందర్భంగా డౌనింగ్​ స్ట్రీట్​లోని తన నివాసంలో దీపాలు వెలిగించి.. భారత సంప్రదాయాలు, ఆచారాలపై తన ప్రేమను చాటుకున్నారు.

ఒత్తిడిలో ఉన్నప్పుడు భగవద్​ గీత చదువుతానని, తనకు ప్రశాంతత లభిస్తుందని రిషి సునక్​ చెబుతూ ఉంటారు. విధి నిర్వహణకు కట్టుబడి ఉండేందుకు భగవద్​ గీత తనకు ఉపయోగపడుతుందని అంటారు. కొన్ని నెలల క్రితం.. ప్రధాని రేసులో తీవ్ర పోటీ ఎదుర్కొంటున్న సమయంలో ఆయన ఒత్తిడికి గురయ్యారు. ఆ సమయంలో భగవద్​ గీత చాలా సాయం చేసిందని ఓసారి చెప్పారు.

Rishi Sunak latest news : బ్రిటన్​లోని అత్యంత సంపన్నుల్లో రిషి సునక్​ ఒకరు. ఆయనకు బ్రిటన్​వ్యాప్తంగా ఆస్తులు ఉన్నాయి. ఆయన నెట్​ వర్త్​ 700మిలియన్​ పౌండ్స్​గా ఉంది.

రిషి సునక్​కు క్రికెట్​ అంటే చాలా ఇష్టం. ఫిట్​గా ఉండేదుకు ఆయన తరచూ క్రికెట్​ ఆడతారు.

గెలుపు ఇలా..

UK PM race : 45రోజుల పాలన అనంతరం ప్రధాని పదవికి ఇటీవలే రాజీనామా చేశారు లిజ్​ ట్రస్​. ఫలితంగా బ్రిటన్​లో రాజకీయ సంక్షోభం మళ్లీ తెరపైకి వచ్చింది. బ్రిటన్​ ప్రధాని రేసులో ముగ్గురు ఉంటారని ఊహాగానాలు జోరందుకున్నాయి. బోరిస్​ జాన్సన్​.. రేసు నుంచి తప్పుకున్నారు. పెన్నీ మౌర్డంట్​కు కన్జర్వేటివ్​ పార్టీ ఎంపీల మద్దతు లభించలేదు. ఫలితంగా 100కుపైగా ఎంపీల మద్దతు ఉన్న రిషి సునక్​.. బ్రిటన్​ తదుపరి ప్రధానిగా ఏకగ్రీవంగా ఎంపికయ్యారు.

WhatsApp channel

సంబంధిత కథనం