Madhya Pradesh CM : శివరాజ్​ సింగ్​కు షాక్​.. మధ్యప్రదేశ్​ కొత్త సీఎంగా మోహన్​ యాదవ్​!

Madhya Pradesh CM announcement live : మధ్యప్రదేశ్​ ముఖ్యమంత్రి పీఠం ఎవరికి దక్కనుంది? అన్న ఉత్కంఠకు తెరపడింది. ఉజ్జెయిన్​ ఎమ్మెల్యే మోహన్​ సింగ్​కు ముఖ్యమంత్రి పదవిని కట్టబెడుతూ నిర్ణయం తీసుకుంది బీజేపీ. ఇంతకాలం సీఎంగా ఉండి, పార్టీని ముందుండి నడిపించిన శివరాజ్​ సింగ్​ చౌహాన్​కు షాక్​ తగిలినట్టైంది. సీఎంతో పాటు ఇద్దరు డిప్యూటీ సీఎంలను బీజేపీ ప్రకటించగా.. వాటిల్లోనూ శివరాజ్​ సింగ్​ చౌహాన్​ పేరు లేకపోవడం గమనార్హం.

మధ్యప్రదేశ్​ కొత్త సీఎంగా మోహన్​..

58ఏళ్ల మోహన్​ యాదవ్​.. ఉజ్జెయిన్ దక్షిణ్​​ నుంచి మూడుసార్లు ఎమ్మెల్యేగా గెలిచారు. శివరాజ్​ సింగ్​ చౌహాన్​ ప్రభుత్వంలో విద్యాశాఖ మంత్రిగా విధులు నిర్వహించారు.

తనను సీఎంగా ఎంపిక చేయడంపై మోహన్​ యాదవ్​ స్పందించారు.

Mohan Yadav Madhya Pradesh CM : "నేను ఒక సాధారణ పార్టీ కార్యకర్తను. నన్ను సీఎంగా చేసిన రాష్ట్ర నాయకత్వానికి, బీజేపీ జాతీయ నాయకత్వానికి నా కృతజ్ఞతలు. నా బాధ్యతలను పూర్తిగా నిర్వర్తించడానికి కృషిచేస్తాను," అని మోహన్​ యాదవ్​ అన్నారు.

మరోవైపు.. జగదీశ్​ దియోరా, రాజేశ్​ శుక్లాలను డిప్యూటీ సీఎంలుగా ప్రకటించింది బీజేపీ.

శివరాజ్​ సింగ్​ చౌహాన్​ పరిస్థితేంటి..?

మధ్యప్రదేశ్​లో బీజేపీ ముఖచిత్రంగా ఇంతకాలం ఉన్నారు శివరాజ్​ సింగ్​ చౌహాన్​. పార్టీని ఎన్నో ఏళ్లుగా ముందుండి నడిపించారు. అయితే.. ఆయనపై గత కొంతకాలంగా పార్టీ అధిష్ఠానం అసంతృప్తితో ఉన్నట్టు వార్తలు వచ్చాయి.

Shivraj Singh Chouhan latest news : కాగా.. ఇటీవల ముగిసిన మధ్యప్రదేశ్​ అసెంబ్లీ ఎన్నికల్లో బీజేపీ ఓడిపోతుందని అనేక ఎగ్జిట్​ పోల్స్​ అంచనా వేశాయి. కానీ డిసెంబర్​ 3న వెలువడిన ఫలితాల్లో.. బీజేపీ రెట్టింపు బలంతో దూసుకెళ్లింది. 230 సీట్లున్న అసెంబ్లీలో 150కిపైగా స్థానాల్లో గెలుపొందింది. ఇందులో శివరాజ్​ సింగ్​ చౌహాన్​ పాత్ర కూడా ఉందన్నది రాజకీయ విశ్లేషకుల అభిప్రాయం. ఆయన అమలు చేసిన పలు పథకాలు చూసే.. రాష్ట్రంలోని మహిళా ఓటర్లను బీజేపీకి ఓట్లు వేశారని చెబుతున్నారు.

వీటి మధ్య.. అసలు శివరాజ్​ సింగ్​ చౌహాన్​ను పక్కన పెట్టడం ఇప్పుడు హాట్​ టాపిక్​గా మారింది. ఇక ఆయనకు రాష్ట్రంలో మార్గాలన్నీ మూసుకుపోయాయని, రాజకీయ జీవితం ముగింపు దశకు చేరుకుంటోందని అభిప్రాయాలు వినిపిస్తున్నాయి.

2005 నవంబర్​లో తొలిసారిగా బీజేపీ సీఎం పదవిని చేపట్టారు శివరాజ్​ సింగ్​ చౌహాన్​. అప్పటి నుంచి ఎప్పుడు బీజేపీ అధికారంలోకి వచ్చినా.. ఆయనే సీఎంగా పనిచేశారు. మరి మధ్యప్రదేశ్​ మాజీ సీఎం శివరాజ్​ సింగ్​ చౌహాన్​ ఇప్పుడేం చేస్తారు అన్నది ఆసక్తిగా మారింది.