ఔరంగాబాద్ పేరు మార్చిన ఉద్దవ్ సర్కార్.. శంభాజీనగర్‌గా నామకరణం

మహారాష్ట్ర మంత్రి మండలి ఔరంగాబాద్ సిటీ పేరు మార్చేసింది. శంభాజీనగర్‌గా పేరు పెట్టింది. అలాగే ఒస్మానాబాద్ సిటీకి ధారాశివ్‌గా నామకరణం చేసింది.

రేపు విశ్వాస పరీక్ష ఎదుర్కోవాల్సి ఉండగా ఆకస్మికంగా సమావేశమైన ఉద్దవ్ థాకరే మంత్రిమండలి ఈ సంచలన నిర్ణయాలు తీసుకుంది.

మరోవైపు విశ్వాస పరీక్షకు నిలబడాలంటూ గవర్నర్ ఇచ్చిన ఆదేశాలను సవాలు చేస్తూ శివసనే చీఫ్ విప్ దాఖలు చేసిన పిటిషన్‌పై సుప్రీం కోర్టు ఈ సాయంత్రం 5 గంటల నుంచి విచారణ జరుపుతోంది.

విచారణలో సునీల్ ప్రభు తరపున అభిషేక్ మను సింఘ్వీ, రెబల్ ఎమ్మెల్యేల తరపున నీరజ్ కిషన్ కౌల్ వాదనలు వినిపిస్తున్నారు.