ISRO Recruitment 2023: ఇస్రోలో సైంటిస్ట్ జాబ్స్; అప్లై చేసుకోండి ఇలా..

ఇస్రో (ISRO) లో విక్రమ్ సారాబాయి స్పేస్ సెంటర్ (VSSC) లో సైంటిస్ట్ పోస్ట్ ల భర్తీకి నోటిఫికేషన్ వెలువడింది. ఆసక్తి, అర్హత ఉన్న అభ్యర్థులు ఆన్ లైన్ లో www.vssc.gov.in. వెబ్ సైట్ ద్వారా అప్లై చేసుకోవచ్చు.

మొత్తం 61 పోస్ట్ లు..

విక్రమ్ సారాబాయి స్పేస్ సెంటర్ (VSSC) లో సైంటిస్ట్ / ఇంజనీర్ -ఎస్డీ (Scientist / Engineer-SD), సైంటిస్ట్ / ఇంజనీర్ - ఎస్సీ (Scientist / Engineer-SC) పోస్ట్ ల భర్తీకి ఇస్రో (ISRO) ఆసక్తి, అర్హత ఉన్న అభ్యర్థుల నుంచి దరఖాస్తులను ఆహ్వానిస్తోంది. ఈ పోస్ట్ లకు అప్లై చేసుకోవడానికి ఆఖరు తేదీ జులై 21. మొత్తం 61 పోస్ట్ లను ఈ నోటిఫికేషన్ ద్వారా భర్తీ చేయనున్నారు. ఈ పోస్ట్ లకు అప్లై చేయడానికి అప్లికేషన్ ఫీజు రూ. 750. అభ్యర్థులందరూ ఈ ఫీజు చెల్లించాలి. ఆ తరువాత, మహిళలు, ఎస్సీ, ఎస్టీ, ఎక్స్ సర్వీస్ మెన్, దివ్యాంగ కేటగిరీల అభ్యర్థులకు, వారు రాత పరీక్షకు హాజరైతే, వారి ఫీజు రీఫండ్ చేస్తారు. పరీక్షకు హాజరుకాని అభ్యర్థులకు రీఫండ్ ఉండదు.

how to apply: అప్లై చేయడం ఎలా?

ఈ పోస్ట్ లకు ఆన్ లైన్ లో అప్లై చేసుకోవాలి. అందుకు..

• ముందుగా అధికారిక వెబ్ సైట్ www.vssc.gov.in ను ఓపెన్ చేయాలి.
• హోం పేజీపై career ట్యాబ్ పై క్లిక్ చేయాలి.
• స్క్రీన్ పై కనిపించే “VSSC Recruitment Advertisement No: RMT327” పై క్లిక్ చేయాలి.
• స్క్రీన్ పై మరో పేజీ ఓపెన్ అవుతుంది. ఆ పేజీలో ఉన్న అప్లికేషన్ ఫామ్ ను ఫిల్ చేయాలి.
• అవసరమైన డాక్యుమెంట్లను అప్ లోడ్ చేయాలి.
• అప్లికేషన్ ఫీజును చెల్లించాలి.
• అప్లికేషన్ ఫామ్ ను సబ్మిట్ చేయాలి.
• భవిష్యత్ అవసరాల కోసం అప్లికేషన్ ఫామ్ ను డౌన్ లోడ్ చేసుకుని, ప్రింటౌట్ తీసుకుని సాఫ్ట్ కాపీ, హార్డ్ కాపీలను భద్రపర్చుకోవాలి.