IDBI Recruitment 2023 : ఐడీబీఐ బ్యాంక్​లో భారీగా వేకెన్సీలు.. అప్లికేషన్​ ప్రక్రియ షురూ..!

IDBI Recruitment 2023 : వివిధ పోస్టుల భర్తీకి అనేక బ్యాంక్​ సంస్థలు ఇటీవలి కాలంలో నోటిఫికేషన్​ను విడుదల చేస్తున్నాయి. ఈ జాబితాలోకి ఐడీబీఐ బ్యాంక్​ కూడా చేరింది. జూనియర్​ అసిస్టెంట్​ మేనేజర్​ పోస్టుల వేకెన్సీని భర్తీ చేసేందుకు రిక్రూట్​మెంట్​ డ్రైవ్​ను నిర్వహిస్తోంది సంస్థ. అప్లికేషన్​ ప్రక్రియ ఇప్పటికే మొదలైంది. ఈ నెల 30 వరకు దరఖాస్తు ప్రక్రియ కొనసాగుతుంది.

ఐడీబీఐ రిక్రూట్​మెంట్​ 2023 వివరాలు..

ఈ దఫా రిక్రూట్​మెంట్​లోమొత్తం 600 జూనియర్​ అసిస్టెంట్​ పోస్టులను భర్తీ చేయనుంది ఐడీబీఐ బ్యాంక్​. idbibank.in వెబ్​సైట్​లో అప్లికేషన్​ వేయాల్సి ఉంటుంది. అక్టోబర్​ 20న ఆన్​లైన్​ పరీక్ష జరుగుతుంది. ఇతర వివరాల్లోకి వెళితే..

మొత్తం వేకెన్సీలు:- జూనియర్​ అసిస్టెంట్​ మేనేజర్​- 600 పోస్టులు

IDBI Recruitment 2023 apple online : వయస్సు పరిమితి:- అప్లికేషన్​ వేయాలని భావిస్తున్న వారి కనిష్ఠ వయస్సు 20ఏళ్లు, గరిష్ఠ వయస్సు 25ఏళ్లుగా ఉండాలి.

విద్యార్హత:- కేంద్ర ప్రభుత్వం అనుమతి ఇచ్చిన ఏదైనా విశ్వవిద్యాలయం నుంచి డిగ్రీ పొంది ఉండాలి.

అప్లికేషన్​ ఫీజు:- ఎస్​సీ,ఎస్​టీ, పీడబ్ల్యూడీ అభ్యర్థులకు రూ. 200. ఇతరులు రూ. 1000 చెల్లించాల్సి ఉంటుంది.

IDBI Recruitment 2023 notification : సెలక్షన్​ ప్రక్రియ:- తొలుత ఆన్​లైన్​ పరీక్ష ఉంటుంది. అందులో క్వాలిఫై అయిన వారికి పర్సనల్​ ఇంటర్వ్యూ రౌండ్​ ఉంటుంది. క్వాలిఫై మార్కులను పరీక్ష తర్వాత వెల్లడించే అవకాశం ఉంది.

ఐడీబీఐ రిక్రూట్​మెంట్​ 2023.. ఇలా అప్లై చేసుకోండి..

స్టెప్​ 1:- అధికారిక వెబ్​సైట్​లోకి వెళ్లి కెరీర్​ ట్యాబ్​ మీద క్లిక్​ చేయండి.

స్టెప్​ 2:- Recruitment of Junior Assistant Manager through Admissions to IDBI Bank PGDBF – 2023 - 24" లింక్​ మీద క్లిక్​ చేయండి.

స్టెప్​ 3:- రిజిస్ట్రేషన్​ చేసుకుని అప్లికేషన్​ ప్రక్రియను పూర్తి చేయండి.

స్టెప్​ 4:- ఫామ్​ ఫిల్​ చేసి, ఫీజు చెల్లించి, అప్లికేషన్​ను సబ్మీట్​ చేయండి.

స్టెప్​ 5:- సంబంధిత పేజ్​ను ప్రింటౌట్​ తీసుకోండి.

ఆర్బీఐలో అసిస్టెంట్ జాబ్స్..

అసిస్టెంబ్ ఉద్యోగాల భర్తీకి ఆర్బీఐ నోటిఫికేషన్ విడుదల చేసింది. అర్హత, ఆసక్తి ఉన్న అభ్యర్థుల కోసం సెప్టెంబర్ 13 నుంచి అప్లికేషన్​ ప్రక్రియ మొదలైంది. అప్లై చేసుకోవడానికి ఆఖరు తేదీ అక్టోబర్ 4. ఆర్బీఐ రిక్రూట్ మెంట్ అధికారిక వెబ్ సైట్ opportunities.rbi.org.in. ద్వారా ఆన్ లైన్ లో అప్లై చేసుకోవాలి. పూర్తి వివరాల కోసం ఇక్కడ క్లిక్​ చేయండి.