Nipah virus in Kerala : అంతకంతకు పెరుగుతున్న 'నిపా' కేసులు.. కేరళలో కొవిడ్​ తరహా పరిస్థితి!

Nipah virus in Kerala 2023 : కేరళలో నిపా వైరస్​ వ్యాప్తి అంతకంతకు పెరుగుతోంది. తాజాగా.. ఓ 39ఏళ్ల వ్యక్తికి ఈ వైరస్​ సోకింది. ఫలితంగా.. కేరళలో నిపా వైరస్​ కేసుల సంఖ్య ఆరుకు చేరింది. ఈ ప్రాణాంతక వ్యాధి.. ఇప్పటికే ఇద్దరిని బలి తీసుకుంది.

కేరళలో నిపా వైరస్​ వ్యాప్తిచెందడం.. 2018 నుంచి ఇది నాలుగోసారి. సాధారణంగా.. ఈ వైరస్​.. జంతువుల నుంచి మనుషులకు వ్యాపిస్తుంది. తాజాగా.. రాష్ట్రంలో కనిపిస్తున్న నిపా స్ట్రెయిన్​.. బంగ్లాదేశ్​ వేరియంట్​తో పోలి ఉందని అధికారులు చెబుతున్నారు.

కొజికోడ్​ జిల్లాలోనే నిపా వైరస్​ వ్యాప్తి అధికంగా ఉంది. తాజాగా వైరస్​కు పాజిటివ్​గా తేలిన వ్యక్తి.. అనారోగ్యం కారణంగా ప్రైవేట్​ ఆసుపత్రిలో చేరాడు. చికిత్స పొందుతుండగా.. ఆయనకు నిపా వైరస్​ టెస్ట్​ చేశారు. చివరికి.. ఆయనకు పాజిటివ్​ అని తేలింది. 

కొజికోడ్​ జిల్లాలోని ఓ ప్రైవేట్​ ఆసుపత్రిలో పనిచేస్తున్న ఓ 24ఏళ్ల వ్యక్తికి గురువారం ఈ వైరస్​ సోకింది.

Kerala nipah virus : కొజికోడ్​లోని వివిధ ఆసుపత్రుల్లో ప్రస్తుతం 13 మంది అబ్జర్వేషన్​లో ఉన్నారు. వీరి రిపోర్టులు ఇంకా రాలేదు. కాకపోతే.. వీరికి తలనొప్పి వంటి లక్షణాలు ఉన్నాయి.

కొవిడ్​ తరహా పరిస్థితి..!

కేరళలో నిపా వైరస్​ వ్యాప్తి నేపథ్యంలో.. అక్కడ కొవిడ్​ తరహా పరిస్థితులు కనిపిస్తున్నాయి. కంటామినేషన్​ జోన్​లు, క్వారంటైన్​ వంటి పేర్లు మళ్లీ వినిపిస్తున్నాయి. కొజికోడ్​లోని 9 పంచాయతీలను కంటైన్​మెంట్​ జోన్లుగా మార్చారు. వందలాది మంది ఆషా వర్కర్లు.. ఇంటింటికీ వెళ్లి చెకప్స్​ నిర్వహిస్తున్నారు. ప్రజల ఆరోగ్యాన్ని పర్యవేక్షిస్తున్నారు. డేటాను సేకరిస్తున్నారు. అనుమానం వస్తే.. వెంటనే పై అధికారులను అప్రమత్తం చేస్తున్నారు.

Nipah virus cases in Kerala : కేరళలో గత నెల చివర్లో ఒకరు, ఈ వారం మొదట్లో ఒకరు.. నిపా వైరస్​ కారణంగా మరణించారు. వీరిని కలిసిన వారిని పరీక్షించేందుకే కంటామనినేటెడ్​ జోన్లను ఏర్పాటు చేసింది స్థానిక యంత్రాంగం. వీరు.. దాదాపు 600మందిని కలిసినట్టు తెలుస్తోంది. ప్రస్తుతం.. మొత్తం 53 కంటామినేటెడ్​ జోన్లు ఉన్నాయి. రానున్న రోజుల్లో నిపా వైరస్​ పాజిటివ్​ కేసులు పెరిగితే, ఈ జోన్ల సంఖ్యను ఇంకా పెంచి, పర్యవేక్షించేందుకు అధికారులు చర్యలు చేపడుతున్నారు.

2018లో మొదలు..!

నిపా వైరస్​తో 2018లో కేరళ విలవిలలాడింది. నాడు.. 21మంది ప్రాణాలు కోల్పోయారు. 2019, 2021లోనూ ప్రజలను నిపా భయపెట్టింది. మళ్లీ ఇప్పుడు ఆందోళన కలిగిస్తోంది.

Kerala nipah virus death toll : జ్వరం, ఊపీరి పీల్చుకోవడం కష్టంగా మారడం, తలనొప్పి, వాంతులు వంటివి నిపా వైరస్​ లక్షణాలు. ఈ వ్యాధికి సరైన చికిత్స లేకపోవడం, వ్యాక్సిన్​లు కూడా అందుబాటులో లేకపోవడం అత్యంత ఆందోళనకరమైన విషయం.