UP rape case : స్కూల్​లో.. 12ఏళ్ల బాలికపై అత్యాచారం!

UP rape case : ఉత్తర్​ ప్రదేశ్​ మీరట్​లో జరిగిన ఓ దారుణ ఘటన ఆలస్యంగా వెలుగులోకి వచ్చింది. జూడో శిక్షణ కోసం స్కూల్​కు వెళ్లిన ఓ 12ఏళ్ల బాలికను.. టీచర్​ రేప్​ చేశాడు. అనంతరం అక్కడి నుంచి పారిపోయాడు!

ఇదీ జరిగింది..

బాధితురాలు కంకర్​ఖేడ పోలీస్​ స్టేషన్​ పరిధిలోని ఓ స్కూల్​లో చదువుకుంటోంది. కాగా.. జూన్​ 2న జూడో క్లాస్​ కోసం ఉదయం 7 గంటలకు స్కూల్​కు వెళ్లింది. బాలిక సోదరుడు కూడా ఆమెతో పాటు వెళ్లాడు. జూడో ఇన్​స్ట్రక్టర్​.. 10 గంటల వరకు క్లాస్​ చెప్పాడు. ఆ తర్వాత ఆ బాలికను తప్ప మిగిలిన అందరిని ఇంటికి పంపిచేశాడు. ఆమెకు ఎక్స్​ట్రా క్లాస్​ తీసుకుంటానని అన్నాడు. అది నమ్మిన బాలిక, తన సోదరిడితో కలిసి అక్కడే ఉండిపోయింది. కొద్దిసేపటి తర్వాత.. బాలికను గార్డ్​ రూమ్​లోకి తీసుకెళ్లాడు ఆ వ్యక్తి. అక్కడే ఆమెపై అత్యాచారానికి పాల్పడ్డాడు.

కొద్ది సేపటి తర్వాత రూమ్​ నుంచి బయటకు వచ్చి, బాలిక సోదరిడిని కలిశాడు. 'మీ అక్కకి ప్రాక్టీస్​ చేస్తుండగా దెబ్బ తగిలింది. రక్తం వస్తోంది. డ్రెసింగ్​ చేయాలి. వెళ్లి బ్యాండేజ్​ తీసుకురా. నువ్వు చాక్లెట్లు కొనుక్కో,' అని డబ్బులిచ్చాడు. అనంతరం ఆమెకు డ్రెస్సింగ్​ చేసి స్థానిక నర్సింగ్​ హోంలో చేర్పించాడు.

ఇదీ చూడండి:- Madurai crime news : ఒంటరిగా ఉన్న మహిళపై అత్యాచారం.. ఆపై గోల్డ్​ దోచుకుని పరారీ!

తన బిడ్డకు దెబ్బ తగిలిందని తెలుసుకున్న బాలిక తండ్రి.. నర్సింగ్​ హోంకు వెళ్లాడు. వైద్యులను ఆమె పరిస్థితి గురించి అడిగాడు. బాలికకు దెబ్బ తగిలి ఉండదని, స్కూల్​లో ఏదో జరిగి ఉంటుందని వైద్యులు అనుమానం వ్యక్తం చేశారు. బాలికను ప్రశ్నించగా.. జూడో టీచర్​ చేసింది వివరించింది. అతడిని పట్టుకునేందుకు బాలిక కుటుంబసభ్యులు స్కూల్​కు వెళ్లారు. కానీ అప్పటికే అతను పారిపోయాడు.

Uttar Pradesh crime news : తన కూతురిపై జరిగిన అత్యాచార ఘటనను పోలీసులకు ఫిర్యాదు చేశాడు బాలిక తండ్రి. ఘటనపై పోక్సో చట్టం కింద కేసు నమోదు చేసుకున్న పోలీసులు.. పరారీలో ఉన్న నిందితుడిని పట్టుకునేందుకు గాలింపు చర్యలు చేపట్టారు. నిందితుడిని త్వరలోనే పట్టుకుంటామని బాధితురాలి కుటుంబానికి హామీనిచ్చారు.