Praveen Kumar Biopic: ఆర్ ఎస్ ప్ర‌వీణ్ కుమార్ బ‌యోపిక్ - టైటిల్ పాత్ర‌లో సీరియల్ యాక్ట‌ర్ - రోజా హీరోయిన్‌

₹Praveen Kumar Biopic: తెలుగు తెర‌పైకి మ‌రో పొలిటిక‌ల్ లీడ‌ర్ బ‌యోపిక్ రాబోతోంది. బీఎస్పీ నేత ఆర్ ఎస్ ప్ర‌వీణ్ కుమార్ జీవితం ఆధారంగా ఓ తెలుగు సినిమా తెర‌కెక్కుతోంది. ప్ర‌వీణ్ ఐపీఎస్ అనే టైటిల్‌తో రూపొందుతోన్న ఈ సినిమాలో సీరియ‌ల్ యాక్ట‌ర్ నంద‌కిషోర్ హీరోగా న‌టిస్తున్నాడు. దుర్గా దేవ్ నాయుడు ద‌ర్శ‌క‌త్వం వ‌హిస్తున్నారు. ఇటీవ‌ల ఈ సినిమా మోష‌న్ పోస్ట‌ర్‌ను ప్రొడ్యూస‌ర్ వివేక్ కూచిభొట్ల రిలీజ్ చేశాడు. న‌వంబ‌ర్‌లో ప్ర‌వీణ్ ఐపీఎస్ సినిమాను రిలీజ్ చేసేందుకు స‌న్నాహాలు చేస్తున్నారు.

ఈ సినిమాలో రోజా హీరోయిన్‌గా న‌టిస్తోంది. వ‌న్య అగ‌ర్వాల్‌, డైరెక్ట‌ర్ దుర్గా దేవ్ నాయుడు కీల‌క పాత్ర‌లు పోషిస్తున్నారు. రానున్న ఎన్నిక‌ల్లో బీఎస్పీ పార్టీ నుంచి ప్ర‌వీణ్ కుమార్ పోటీలో నిలిచారు. ఐపీఎస్ అధికారి అయిన ప్ర‌వీణ్ కుమార్‌ గురుకులాల డైరెక్ట‌ర్‌గా కొన‌సాగుతోన్న స‌మ‌యంలో త‌న ప‌ద‌వికి రాజీనామా చేశారు. రాజ‌కీయాల్లోకి వ‌చ్చారు.

మ‌రోవైపు సూర్య వంశం, స్వాతి, స్ర‌వంతి, వెలుగు నీడ‌లుతో పాటు ప‌లు తెలుగు టీవీ సీరియ‌ల్స్ ద్వారా తెలుగు ప్రేక్ష‌కుల‌కు చేరువ‌య్యాడు నంద‌కిషోర్‌, పోతేపోనీ, ఘ‌ర్ష‌ణ‌తో పాటు కొన్ని తెలుగు టీవీ సీరియ‌ల్స్‌లో కీల‌క పాత్ర‌లు పోషించాడు. నంద‌కిషోర్‌, బిగ్‌బాస్ ఫేమ్ సిరి హ‌నుమంతు కాంబినేష‌న్‌లో గ‌తంలో న‌ర‌సింహాపురం అనే సినిమా వ‌చ్చింది.