Virata Parvam Trailer | రక్తపాతం లేనిదెక్కడ.. మనిషి పుట్టుకలోనే ఉంది..

రానా దగ్గుబాటి, సాయి పల్లవి ప్రధాన పాత్రల్లో నటించిన చిత్రం విరాపటర్వం. వేణు ఊడుగుల దర్శకత్వంలో ఈ సినిమా రూపొందింది. తాజాగా ఈ చిత్రానికి సంబంధించిన ట్రైలర్ రిలీజ్ చేసింది చిత్ర బృందం. రానా కామ్రేడ్‌ రవన్నగా, సాయిపల్లవి వెన్నెలగా కనిపించారు. 'చిన్న ఎవడు? పెద్ద ఎవడు? రాజ్యమేలే రాజు ఎవడు? సామ్యవాద పాలననే స్థాపించగ ఎదిగినాడు..' అంటూ రానా చెప్పే పవర్ ఫుల్ మాటలతో ట్రైలర్ మెుదలవుతుంది. ట్రైలర్లో ప్రతి ఒక్క మాట.. తూటలా పేలుతోంది. రోమాలు నిక్కబొడిచేలా డైలాగ్స్ ఉంటాయి. ట్రైలర్ చూస్తే.. రవన్న రాసే.. పూస్తకాలను చదివిన హీరోయిన్.. అతడితో ప్రేమలో పడినట్టుగా అర్థమవుతోంది.

'అతన్ని చూడాలని ఉందమ్మా.. నువ్వు గనక కనిపించేలా చేస్తే కోన్ని కోసి కల్లు శాక పోస్తా.. నాలో ఏదో భావోద్వేగం రగులుతోంది.. ఈ భావోద్వేగానికి ఏ పేరు పెట్టాలో కూడా తెలియడం లేదు' అంటూ సాయి పల్లవి డైలాగ్స్ చెబుతుంటే చూపు తిప్పుకొనివ్వకుండా సన్నీవేశం కనిపిస్తుంది. ఆ సీన్ లో తెలంగాణలో గ్రామ దేవతలకు మెుక్కులు చెల్లించే విధానం కనిపిస్తూ ఉంటుంది. 'మా ఊళ్ళల్ల ఆడవాళ్లపై అత్యాచారాలు, మానభంగాలు జరిగినప్పుడు ఏ పార్టీ వాళ్లు వచ్చారు సార్.. అన్నలు వచ్చారు సార్.. నోరు లేని సమాజానికి నోరు అందించారు సార్ వాళ్లు..' అంటూ రాహుల్ రామకృష్ణ చెప్పిన డైలాగ్ ఆకట్టుకుంటోంది.

మూడు నిమిషాల మూడు సెకనుల నిడివితో ట్రైలర్ కట్ చేశారు. ప్రతి సన్నీవేశం ఆసక్తి రేపుతోంది. అడవిలో అన్నలను చూపిస్తూ సమాజానికి లింక్ చేసి అబ్బుర పరిచే విజువల్స్ జోడించారు. ఆలోచింపజేసే డైలాగ్స్, సీన్స్ తోపాటుగా.. రానా, సాయి పల్లవి మధ్య లవ్ ట్రాక్ హైలైట్ చేస్తూ.. ట్రైలర్ వదిలారు. సీనియర్‌ ఉద్యమకారుడు రఘన్నగా నవీన్‌ చంద్ర, కామ్రేడ్‌ భరతక్కగా ప్రియమణి కనిపిస్తున్నారు. విడుదలైన కాసేపట్లోనే ఈ వీడియో నెట్టింట వైరల్ అయింది.

శ్రీ లక్ష్మి వేంకటేశ్వర సినిమాస్, సురేశ్ ప్రొడక్షన్ సంస్థల సంయుక్త సమర్పణలో రూపొందించారు. డీ.సురేశ్ బాబు, సుధాకర్ చెరుకూరి నిర్మాతలుగా వ్యవహరించారు. ఈ సినిమా ఎప్పుడో రిలీజ్ కావాల్సి ఉంది. కరోనా, ఇతర కారణాలతో వాయిదా పడింది. చివరకు జూన్ 17న ఈ సినిమాను ప్రేక్షకుల ముందుకు రానుంది. ఇప్పటికే సినిమా ప్రమోషన్స్‌పై ఫోకస్ పెట్టారు మేకర్స్. ఆసక్తికర అప్‌డేట్స్ రిలీజ్ చేస్తూ చిత్రంపై ఆసక్తి పెంచుతున్నారు. రీసెంట్‌గా నగాదారిలో సాంగ్ లిరికల్ వీడియోను కూడా వదిలారు. ఆ తర్వాత తాజాగా విరాటపర్వం ట్రైలర్ విడుదల చేసి.. ఆడియన్స్ లో అంచనాలు పెంచేశారు.