Mangalavaram Teaser: మంగ‌ళ‌వారం టీజ‌ర్ రిలీజ్ - బోల్డ్, హార‌ర్‌తో పాయల్ రాజ్పుత్ థ్రిల్లింగ్‌
Mangalavaram Teaser: పాయల్ రాజ్పుత్ హీరోయిన్‌గా న‌టిస్తోన్నమంగ‌ళ‌వారం మూవీ టీజ‌ర్ రిలీజైంది. హార‌ర్ అంశాల‌తో టీజ‌ర్ ఉత్కంఠ‌ను పంచుతోంది.
Mangalavaram Teaser: ఆర్ఎక్స్ 100 త‌ర్వాత హీరోయిన్ పాయల్ రాజ్పుత్, డైరెక్ట‌ర్ అజ‌య్ భూప‌తి కాంబోలో మంగ‌ళ‌వారం పేరుతో ఓ మూవీ రూపొందుతోంది. రూర‌ల్ బ్యాక్‌డ్రాప్‌లో హార‌ర్ థ్రిల్ల‌ర్‌గా తెర‌కెక్కుతోన్న ఈ మూవీ టీజ‌ర్‌ను మంగ‌ళ‌వారం రిలీజ్ చేశారు. ప్ర‌ధాన పాత్ర‌ధారుల ముఖాల్లో భ‌యం, ఆశ్చ‌ర్చాన్ని చూపిస్తూ టీజ‌ర్ చివ‌రి వ‌ర‌కు ఉత్కంఠ‌గా సాగింది.
టీజ‌ర్‌లోని సీన్స్ ఎక్కువ‌గా డార్క్ మోడ్‌లోని క‌నిపిస్తూ ఆస‌క్తిని పంచుతోన్నాయి. టీజ‌ర్ చివ‌ర‌లో బోల్డ్ సీన్స్‌లో పాయ‌ల్‌క‌నిపించింది. అలాగే ముసుగు ధ‌రించిన మ‌నిషిని కూడా చూపించారు. మంగ‌ళ‌వారం సినిమాలో పాయల్ రాజ్‌పుత్‌తో పాటు చైత‌న్య కృష్ణ, అజ‌య్ ఘోష్ ప్ర‌ధాన పాత్ర‌లు పోషిస్తున్నారు.
పాన్ ఇండియ‌న్ లెవెల్‌లో తెలుగు, త‌మిళం, క‌న్న‌డ, మ‌ల‌యాళ భాష‌ల్లో ఈ సినిమాను రిలీజ్ చేయ‌బోతున్నారు. మ‌హా స‌ముద్రం త‌ర్వాత అజ‌య్ భూప‌తి ద‌ర్శ‌క‌త్వం వ‌హిస్తోన్న సినిమా ఇది.
మ‌రోవైపు ఆర్ఎక్స్ 100 త‌ర్వాత తెలుగులో చాలా సినిమాలు చేసిన పాయల్ రాజ్పుత్ ఆ స్థాయి క‌మ‌ర్షియ‌ల్ హిట్ మాత్రం అందుకోలేక‌పోయింది. మంగ‌ళ‌వారం సినిమాపైనే ఎక్కువ‌గా ఆశ‌లు పెట్టుకున్న‌ది పాయల్. ఇందులో కంప్లీట్‌గా యాక్టింగ్‌కు స్కోప్ ఉన్న పాత్ర‌లో న‌టిస్తోంది పాయల్ రాజ్పుత్.
మంగ‌ళ‌వారం సినిమాకు ద‌ర్శ‌కుడిగానే కాకుండా నిర్మాణ భాగ‌స్వామిగా అజ‌య్ భూప‌తి వ్య‌వ‌హ‌రిస్తోన్నాడు. త్వ‌ర‌లోనే ఈ సినిమా రిలీజ్ డేట్‌ను అనౌన్స్ చేయ‌నున్నారు.
టాపిక్