Vishnu Manchu | స‌న్నీలియోన్ ను చూసి భ‌య‌ప‌డ్డ మంచు విష్ణు...ఎందుకంటే

మంచు విష్ణును భ‌య‌పెట్టాల‌ని చూసింది స‌న్నీలియోన్‌. కానీ సీన్ రివ‌ర్స్ అయ్యింది. విష్ణు త‌న సెన్సాఫ్ హ్యూమ‌ర్‌తో ఆమెను ఆట‌ప‌ట్టించాడు. ఈ ఫ‌న్నీ ఇన్సిడెంట్ మంచు విష్ణు కొత్త సినిమా షూటింగ్‌లో చోటుచేసుకున్న‌ది. అత‌డు ప్ర‌ధాన పాత్ర‌లో క‌మ‌ర్షియ‌ల్ ఎంట‌ర్‌టైన‌ర్ చిత్రం తెర‌కెక్కుతోంది. విలేజ్ బ్యాక్‌డ్రాప్‌లో రూపొందుతున్న ఈ చిత్రంలో గాలి నాగేశ్వ‌ర‌రావు పాత్ర‌లో మంచు విష్ణు న‌టిస్తున్నారు. ఈ సినిమా ద్వారా ఇషాన్ సూర్య ద‌ర్శ‌కుడిగా ప‌రిచ‌యం అవుతున్నారు. ఈ చిత్రానికి కోన వెంక‌ట్ ఎగ్జిక్యూటివ్ ప్రొడ్యూస‌ర్‌గా వ్య‌వ‌హ‌రిస్తూనే క‌థ‌, స్ర్కీన్‌ప్లేను స‌మ‌కూర్చుతున్నారు. ప్ర‌స్తుతం హైద‌రాబాద్‌లో సెకండ్ షెడ్యూల్ షూటింగ్ జ‌రుగుతోంది. మంచు విష్ణు, స‌న్నీలియోన్‌పై కీల‌క స‌న్నివేశాల‌ను చిత్రీక‌రిస్తున్నారు. షూటింగ్ గ్యాప్‌లో ముఖానికి మ‌నీ హీస్ట్ క్యాప్ ధ‌రించి గోడ చాటున దాక్కొని మంచు విష్ణును భ‌య‌పెట్టేందుకు స‌న్నీలియోన్ ప్ర‌య‌త్నించింది. కానీ విష్ణు భ‌య‌ప‌డ‌క‌పోవ‌డంతో స‌న్నీ లియోన్ మాస్క్ తీసింది. స‌న్నీలియోన్‌ మాస్క్ తీసేసిన వెంట‌నే ఆమె ఫేస్ చూసి భ‌య‌ప‌డిన‌ట్లుగా విష్ణు ఎక్స్‌ప్రెష‌న్ ఇచ్చి ఆట‌ప‌ట్టించాడు. స‌న్నీ అత‌డికి ప‌ట్టుకోవ‌డానికి ప్ర‌య‌త్నించ‌గా పారిపోయాడు. స‌న్నీలియోన్ ఇన్‌స్టాగ్రామ్ లో పోస్ట్ చేసిన ఈ రీల్ వైర‌ల్ అవుతోంది. ఈ సినిమాలో పాయ‌ల్ రాజ్‌పుత్ మ‌రో క‌థానాయిక‌గా న‌టిస్తోంది.