Rajamouli: రాజమౌళి నాకు 10 సెకండ్లే కథ చెప్పారు.. కన్నడ హీరో సంచలన వ్యాఖ్యలు

దర్శక దిగ్గజం ఎస్ఎస్ రాజమౌళి దర్శకత్వంలో పనిచేయాలని ప్రతి హీరో హీరోయిన్లు కలలు కంటారు. ఆయన మాత్రం ఎవరైతే తన కథకు సరిపోతారనుకుంటారో వారితోనే సినిమా చేస్తుంటారు. అది ఏ భాష నటుడైనా సరే.. వారి వద్దకు వెళ్లి కథ చెప్పి వారి డేట్స్ ఓకే చేయిస్తారు. తాజాగా ఆయనతో పనిచేసిన కన్నడ హీరో కిచ్చా సుదీప్ కూడా జక్కన్న దర్శకత్వంలో పనిచేయడాన్ని ఆస్వాదించారన్నారు. రాజమౌళి కేవలం తనకు 10 సెకండ్లు మాత్రమే కథ చెప్పారని స్పష్టం చేశారు.

ఇటీవల సుదీప్ నటించిన విక్రాంత్ రోణ సినిమా విడుదలై మంచి రెస్పాన్స్ వచ్చింది. ఈ సినిమా ప్రమోషన్లలో భాగంగా ఓ ఇంటర్వ్యూలో పాల్గొన్న రాజమౌళితో పనిచేసిన అనుభవాన్ని గుర్తు చేసుకున్నారు. చిన్న పిల్లాడిలా ఎగ్జైట్ అయ్యానని స్పష్టం చేశారు.

ఎస్ఎస్ రాజమౌళి సార్‌ను కలవడానికి వెళ్లినప్పుడు నేనే పెద్దగా ఎదురుచూడలేదు. ఆయన ఈగ కథను కేవలం 10 సెకండ్లలోనే వివరించారు. అంతేకాకుండా నా పాత్ర ప్రతికూలంగా ఉందని ఆలోచించకుండానే వెంటనే చేస్తానని అంగీకరించాను అని కిచ్చా సుదీప్ స్పష్టం చేశారు.

జక్కన్న దర్శకత్వంలో సుదీప్ ఈగలో నటించారు. ఈ సినిమాలో ఆయన విలన్ పాత్ర పోషించగా.. నాని, సమంత లీడ్ రోల్స్ పోషించారు. ఈ సినిమా 2012లో ప్రేక్షకుల ముందుకు వచ్చి సూపర్ హిట్ టాక్ సొంతం చేసుకుంది. వారాహి చలన చిత్రం పతాకంపై సాయి కొర్రపాటి ఈ సినిమాకు నిర్మాతగా వ్యవహరించారు.

మరోపక్క సుదీప్ ఇటీవలే విక్రాంత్ రోణతో ప్రేక్షకుల ముందుకు వచ్చారు. పాన్ఇండియా స్థాయిలో జులై 28న విడుదలైన ఈ చిత్రం పాజిటివ్ టాక్ తెచ్చుకుంది. అనూప్ భండారి దర్శకత్వం వహించిన ఈ సినిమా అడ్వెంచర్ ఫాంటసీ జోనర్‌లో తెరక్కికంది. ఈ చిత్రంలో సుదీప్ వెటగాడి పాత్రలో కనిపించారు.