Kalyanam Kamaneeyam To Stream On Aha: ఆహాలో క‌ళ్యాణం క‌మ‌నీయం - స్ట్రీమింగ్ డేట్ ఇదే

Kalyanam Kamaneeyam To Stream On Aha: క‌ళ్యాణం క‌మ‌నీయం డిజిట‌ల్ ప్రీమియ‌ర్ డేట్ వ‌చ్చేసింది. ఫిబ్ర‌వ‌రి 17న ఆహా ఓటీటీలో ఈ సినిమా రిలీజ్ కానుంది. ఓటీటీ స్ట్రీమింగ్ డేట్‌ను ఆహా ఓటీటీ అధికారికంగా అనౌన్స్ చేసింది. రొమాంటిక్ ఫ్యామిలీ ఎంట‌ర్‌టైన‌ర్‌గా రూపొందిన క‌ళ్యాణం క‌మ‌నీయం సినిమాలో సంతోష్ శోభ‌న్‌, ప్రియా భ‌వానీ శంక‌ర్ జంట‌గా న‌టించారు.

ఒక‌రిపై మ‌రొక‌రికి న‌మ్మ‌కం, ప్రేమ ఉన్న‌ప్పుడే పెళ్లి బంధం నిల‌బ‌డుతుంద‌నే పాయింట్‌తో వినోదానికి ఫ్యామిలీ సెంటిమెంట్‌ను జోడించి ద‌ర్శ‌కుడు అనిల్ కుమార్ ఆళ్ల క‌ళ్యాణం క‌మ‌నీయం సినిమాను తెర‌కెక్కించారు.

ఇందులో శివ అనే నిరుద్యోగిగా కామెడీ ప్ర‌ధాన పాత్ర‌లో సంతోష్ శోభ‌న్ క‌నిపించాడు. ఈ సినిమాతోనే ప్రియా భ‌వానీ శంక‌ర్ టాలీవుడ్‌లోకి ఎంట్రీ ఇచ్చింది. యూవీ క్రియేష‌న్స్ నిర్మించిన ఈ సినిమా సంక్రాంతి కానుక‌గా జ‌న‌వ‌రి 14న రిలీజైంది.

వాల్తేర్ వీర‌య్య‌, వీర‌సింహారెడ్డి లాంటి భారీ బ‌డ్జెట్ సినిమాల‌తో పాటు పండుగ బ‌రిలో క‌ళ్యాణం క‌మ‌నీయం సినిమా నిల‌వ‌డం టాలీవుడ్‌లో ఆస‌క్తిని రేకెత్తించింది. గ‌తంలో సంక్రాంతికి రిలీజైన కొన్ని చిన్న సినిమాలు అనూహ్య విజ‌యాల్ని అందుకున్న దాఖ‌లాలు టాలీవుడ్‌లో ఉన్నాయి.

ఆ సినిమాలో జాబితాలో క‌ళ్యాణం క‌మ‌నీయం నిలుస్తుంద‌ని అంద‌రూ అనుకున్నారు. కానీ ఆ అంచ‌నాల్ని త‌ల‌క్రిందులు చేస్తూ ఫెయిల్యూర్‌గా నిలిచింది. కామెడీ వ‌ర్క‌వుట్ అయినా క‌థ రొటీన్‌గా ఉండ‌టంతో సినిమా ప్రేక్ష‌కుల్ని మెప్పించ‌లేక‌పోయింది.

రిలీజ్‌కు ముందే ఈ సినిమా డిజిట‌ల్ రైట్స్‌ను ఆహా ఓటీటీ సంస్థ ద‌క్కించుకున్న‌ట్లు స‌మాచారం. క‌ళ్యాణం క‌మ‌నీయం సినిమాకు గోపీసుంద‌ర్ మ్యూజిక్ అందించాడు.