Ustaad Bhagat Singh: ఉస్తాద్ భ‌గ‌త్‌సింగ్ క్వాలిటీ దేవుడిమీదే భారం - నెటిజ‌న్‌కు హ‌రీష్ శంక‌ర్ స్ట్రాంగ్‌ కౌంట‌ర్‌

ustaad bhagat singh: ప‌వ‌న్ క‌ళ్యాణ్ (Pawan Kalyan) ఉస్తాద్ భ‌గ‌త్ సింగ్ సినిమా క్వాలిటీ విష‌యంలో నెగెటివ్ కామెంట్స్ చేసిన ఓ నెటిజ‌న్‌కు డైరెక్ట‌ర్ హ‌రీష్ శంక‌ర్ స్ట్రాంగ్ కౌంట‌ర్ ఇచ్చాడు. ఉస్తాద్ భ‌గ‌త్ సింగ్‌ను ఉద్దేశించి సినిమా షూటింగ్ యాభై శాతం పూర్త‌యింద‌ట క‌దా అన్నా...ఇంక క్వాలిటీనా... దేవుడి మీదే భారం వేశాం అంటూ హ‌రీష్ శంక‌ర్‌ను ఉద్దేశించి ఓ నెటిజ‌న్ ట్వీట్ చేశాడు.

ఆ నెటిజ‌న్ ట్వీట్‌కు అంతే గ‌ట్టిగా కౌంట‌ర్ ఇచ్చాడు హ‌రీష్ శంక‌ర్‌. “అంతే క‌దా త‌మ్ముడు అంత‌కుమించి నువ్వేం చేయ‌గ‌ల‌వు. చెప్పు? ఈ లోగా కాస్త కెరీర్‌, జాబ్‌, స్ట‌డీస్ మీద కూడా ఫోక‌స్ పెట్టు. వాటిని మాత్రం దేవుడికే వ‌దిలేయ‌కు. ఆల్ ది బెస్ట్” అంటూ నెటిజ‌న్‌కు రిప్లై ఇచ్చాడు. హ‌రీష్ శంక‌ర్‌ ట్వీట్ వైర‌ల్‌గా మారింది.

గ‌బ్బ‌ర్‌సింగ్ త‌ర్వాత ప‌వ‌న్ క‌ళ్యాణ్, డైరెక్ట‌ర్ హ‌రీష్ శంక‌ర్ కాంబోలో ఉస్తాద్ భ‌గ‌త్ సింగ్‌ సినిమా తెర‌కెక్కుతోంది. ప‌వ‌న్ క‌ళ్యాణ్ ప్ర‌త్య‌క్ష రాజ‌కీయాల‌తో బిజీగా ఉండ‌టంతో ఈ సినిమా ఆగిపోయిన‌ట్లు ప్ర‌చారం జ‌రిగింది. ఆ పుకార్ల‌కు పుల్‌స్టాప్ పెడుతూ ఇటీవ‌ల హైద‌రాబాద్‌లో ఈ కీల‌క‌మైన షెడ్యూల్ ను మేక‌ర్స్ పూర్తిచేశారు. ఈ షెడ్యూల్‌లో ప‌వ‌న్ క‌ళ్యాణ్‌పై యాక్ష‌న్ ఎపిసోడ్స్‌ను హ‌రీష్ శంక‌ర్ షూట్ చేశాడు.

ఉస్తాద్ భ‌గ‌త్ సింగ్ సినిమాలో శ్రీలీల హీరోయిన్‌గా న‌టిస్తోంది. దళపతి విజ‌య్ హీరోగా అట్లీ ద‌ర్శ‌క‌త్వంలో రూపొందిన త‌మిళ సూప‌ర్ హిట్ మూవీ తేరీ ఆధారంగా ఉస్తాద్ భ‌గ‌త్‌సింగ్ సినిమా తెరకెక్కుతోన్నట్లు ప్ర‌చారం జ‌రుగుతోంది. అయితే ఈ రీమేక్ వార్త‌ల‌పై చిత్ర యూనిట్ మాత్రం ఇప్ప‌టివ‌ర‌కు స్పందించ‌లేదు. ఉస్తాద్ భ‌గ‌త్ సింగ్ సినిమాకు దేవిశ్రీప్ర‌సాద్ సంగీతాన్ని అందిస్తున్నాడు.

మైత్రీ మూవీ మేక‌ర్స్ సంస్థ నిర్మిస్తోంది. ఉస్తాద్ భ‌గ‌త్ సింగ్‌తో పాటు ప్ర‌స్తుతం ఓజీ, హ‌రిహ‌ర‌వీర‌మ‌ల్లు సినిమాలు చేస్తున్నాడు ప‌వ‌న్ క‌ళ్యాణ్‌. ఓజీ సినిమాకు సుజీత్ ద‌ర్శ‌క‌త్వం వ‌హిస్తోండ‌గా...హ‌రిహ‌ర‌వీర‌మ‌ల్లు సినిమాను క్రిష్ తెర‌కెక్కిస్తోన్నాడు.