Salaar vs Leo: స‌లార్‌ను దాటేసిన లియో- 2023 టాప్ ఫైవ్‌ మోస్ట్ ఇంట్రెస్టెడ్ మూవీస్ ఇవే

Salaar vs Leo: బుక్ మై షోలో ప్ర‌భాస్ స‌లార్ మూవీ రికార్డ్‌ను ద‌ళ‌ప‌తి విజ‌య్ లియో దాటేసింది. ఇండియావైడ్‌గా బుక్ మై షోలో 2023 టాప్ ఫైవ్ మోస్ట్ ఇంట్రెస్టెడ్ సినిమాల లిస్ట్‌లో ద‌ళ‌ప‌తి విజ‌య్ లియో టాప్ ప్లేస్‌లో ఉండ‌గా స‌లార్ సెకండ్ ప్లేస్‌లో ఉంది. విజ‌య్ లియో మూవీ (442 కే ఇంట్రెస్టెడ్ నంబ‌ర్స్‌) ప్ర‌భాస్ స‌లార్‌కు (367 కే )అంద‌నంత దూరంలో ఉంది.

ఇంట్రెస్టెడ్ మూవీస్ లిస్ట్‌లో స‌ల్మాన్‌ఖాన్‌, షారుఖ్‌ఖాన్ మూవీస్‌ను దాటేసి బాల‌కృష్ణ భ‌గ‌వంత్ కేస‌రి మూడో స్థానంలో కొన‌సాగుతోండ‌టం గ‌మ‌నార్హం. భ‌గ‌వంత్ కేస‌రి (118 కే) త‌ర్వాతే స‌ల్మాన్ ఖాన్ టైగ‌ర్ (113 కే) నాలుగో స్థానంలో, షారుఖ్‌ఖాన్ డుంకీ (82కే)తో ఐదో స్థానంలో ఉన్నాయి. విజ‌య్ లియో మూవీకి పాన్ ఇండియా వైడ్‌గా ఉన్న క్రేజ్‌కు నిద‌ర్శ‌న‌మిద‌ని అత‌డి ఫ్యాన్స్ చెబుతోన్నారు.

లియో మూవీకి లోకేష్ క‌న‌క‌రాజ్ ద‌ర్శ‌క‌త్వం వ‌హిస్తున్నాడు. మాస్ట‌ర్ త‌ర్వాత వీరిద్ద‌రి కాంబోలో రూపొందుతోన్న ఈ భారీ బ‌డ్జెట్ మూవీలో అర్జున్‌, సంజ‌య్‌ద‌త్‌, త్రిష ప్ర‌ధాన పాత్ర‌ల‌ను పోషిస్తున్నారు. క‌శ్మీర్ బ్యాక్‌డ్రాప్‌లో రివేంజ్ డ్రామాగా లియో మూవీ తెర‌కెక్కుతోంది.

కమల్, సూర్య గెస్ట్ రోల్స్…

లియో సినిమాలో క‌మ‌ల్‌హాస‌న్‌, కార్తి, సూర్య అతిథి పాత్ర‌ల్లో క‌నిపించ‌నున్న‌ట్లు ప్ర‌చారం జ‌రుగుతోంది. లియో ట్రైల‌ర్‌ను గురువారం రిలీజ్ చేశారు. యాక్ష‌న్ అంశాల‌తో ఈ ట్రైల‌ర్ అభిమానుల‌ను ఆక‌ట్టుకుంటుంది. కొంత మంది విజ‌య్ ఫ్యాన్స్ మాత్రం ట్రైల‌ర్‌తో లోకేష్ క‌న‌క‌రాజ్ డిస‌పాయింట్ చేశాడంటూ కామెంట్స్ చేస్తున్నారు.

యాక్ష‌న్ సీన్స్ మొత్తం గ్రాఫిక్స్‌లో తీసిన‌ట్లుగా ఉన్నాయ‌ని, విజ‌య్ క్యారెక్ట‌ర్‌ను ప‌వ‌ర్‌ఫుల్‌గా చూపించ‌లేదంటూ కామెంట్స్ చేస్తున్నారు. లియో సినిమా ద‌స‌రా కానుక‌గా అక్టోబ‌ర్ 19న త‌మిళంతో పాటు తెలుగు, మ‌ల‌యాళం, క‌న్న‌డ‌, హిందీ భాష‌ల్లో రిలీజ్ కానుంది. మ‌రోవైపు ప్ర‌భాస్ స‌లార్ మూవీ డిసెంబ‌ర్ 22న రిలీజ్ కానుంది. గ్యాంగ్‌స్ట‌ర్ యాక్ష‌న్ ఎంట‌ర్‌టైన‌ర్‌గా తెర‌కెక్కిన ఈ సినిమాకు ప్ర‌శాంత్ నీల్ ద‌ర్శ‌క‌త్వం వ‌హిస్తున్నాడు.