Bigg Boss Telugu 7 Elimination: ఎక్స్ పోజింగ్ కారణంగా ఆమె ఎలిమినేట్?.. ఓటింగ్‌పై అతని ఎఫెక్ట్!
Bigg Boss 7 Telugu Third Week Elimination: బిగ్ బాస్ తెలుగు 7 సీజన్ మూడో వారంలో మరో వికెట్ పడింది. అంటే హౌజ్ నుంచి మరో కంటెస్టెంట్ బయటకు వెళ్లారు. బిగ్ బాస్ 7 తెలుగు మూడో వారం ఎలిమినేషన్ ఎవరు అయ్యారంటే..
పాపులర్ రియాలిటీ షో బిగ్ బాస్ తెలుగు 7 సీజన్‍లోకి మొత్తంగా 14 మంది కంటెస్టెంట్స్ అడుగుపెట్టిన విషయం తెలిసిందే. వారిలో ఇప్పటికే మొదటి వారం సీనియర్ హీరోయిన్ కిరణ్ రాథోడ్, రెండోవారం షకీలా ఇద్దరూ ఎలిమినేట్ అయి వెళ్లిపోయారు. నామినేషన్స్ లో ఉన్న వీళ్లకు తక్కువ ఓట్స్ రావడంతో హౌజ్ వీడాల్సి వచ్చింది. ప్రస్తుతం బిగ్ బాస్ 7 తెలుగులో 12 మంది కంటెస్టెంట్స్ ఉన్నారు. వారిలో మొదటి ఇంటి సభ్యుడిగా ఆట సందీప్, రెండో ఇంటి సభ్యుడిగా హీరో శివాజీ అర్హత సాధించారు.
రెండు రోజులు అలా
ఇక మూడో ఇంటి సభ్యురాలిగా కార్తీక దీపం మోనిత అకా శోభా శెట్టి కన్ఫర్మ్ అయింది. ఇదిలా ఉంటే బిగ్ బాస్ 7 తెలుగు 3వ వారం నామినేషన్స్ సోమవారం (సెప్టెంబర్ 18) జరిగాయి. దీంతో గౌతమ్ కృష్ణ, ప్రిన్స్ యావర్, శుభ శ్రీ రాయగురు, రతిక రోజ్, సింగర్ దామిని, అమర్ దీప్ చౌదరి, ప్రియాంక జైన్ మొత్తం ఏడుగురు నామినేషన్లలో ఉన్నారు. వీరికి సోమవారం నుంచే ఓటింగ్ పోల్ మొదలు పెట్టగా మొదటి రెండు రోజులు అమర్ దీప్ టాప్‍లో ఉండగా.. వీకెండ్ వచ్చేసరికి ప్రిన్స్ యావర్ మొదటి స్థానంతో సత్తా చాటాడు.
స్టేజ్ పైకి వచ్చినట్లు
ఇక రెండో స్థానంలో గౌతమ్ కృష్ణ ఉండగా.. అమర్ దీప్ మూడో స్థానంతో సరిపెట్టుకున్నాడు. నాలుగో స్థానంలో రతిక రోజ్, ఐదో ప్లేసులో ప్రియాంక జైన్ ఉన్నారు. చివరి రెండు స్థానాలు, డేంజర్ జోన్‍లో శుభ శ్రీ, సింగర్ దామిని ఉన్నారు. వీరిలో సింగర్ దామిని మూడో వారం ఎలిమినేట్ అయి బయటకు వచ్చిందని బిగ్ బాస్ వర్గాల నుంచి సమాచారం. ఇప్పటికే ఆమె స్టేజ్‍పైకి వచ్చిందని, ఆమె బిగ్ బాస్ జర్నీ వీడియో కూడా ప్లే చేశారని టాక్.
ట్రోలింగ్
అయితే ఈవారం ప్రిన్స్ యావర్‍తో జరిగిన టాస్క్ కారణంగా సింగర్ దామినికి కాస్త నెగెటివిటీ వచ్చినట్లుగా తెలుస్తోంది. ఎందుకంటే మూడో పవరాస్త్ర కంటెండర్‍గా నిరూపించుకునేందుకు ప్రిన్స్ యావర్‍కు పేడ నీళ్లు, సబ్బు నురగ, ఐస్ క్యూబ్స్ వంటివి పెడుతూ నరకం చూపించారు. దాంట్లో ఎక్కువగా దామిని పాల్గొనడం, ఇంకా చేయాల్సింది అని దామిని అనడం ఆమెకు ఎఫెక్ట్ అయింది. అంతేకాకుండా హౌజ్‍లో దామిని చేసే ఎక్స్ పోజింగ్‍పై ట్రోలింగ్ కూడా జరిగింది. అందుకే ఆమెకు ప్రేక్షకులు తక్కువ ఓట్లు వేసినట్లుగా సమాచారం.
టాపిక్