Bigg Boss Telugu: హౌజ్‌లో దర్శనం ఇచ్చిన సమాధులు.. బిగ్ బాస్ పెళ్లాన్ని చంపి భోజనాలు

Bigg Boss 7 Telugu November 21st Episode Highlights: బిగ్ బాస్ 7 తెలుగు ఇంట్రెస్టింగ్‌గా సాగుతోంది. నవంబర్ 21వ తేది బిగ్ బాస్ తెలుగు 7 ఎపిసోడ్‌లో నామినేషన్ల తర్వాత ఎవిక్షన్ ఫ్రీ టాస్క్ జరిగింది. రైతు బిడ్డ పల్లవి ప్రశాంత్ ఫ్రీ ఎవిక్షన్ పాస్ గెలుచుకున్నాడు. అనంతరం అమర్, అర్జున్ తప్పా మిగతా అందరినీ ఫన్ యాక్టివిటీ ఏరియాలోకి రమ్మని బిగ్ బాస్ ఆదేశించాడు.

ఆ రూమ్‌లోకి వెళ్లిన కంటెస్టెంట్స్ అంతా డైనింగ్ సెటప్ చూసి షాక్ అయ్యారు. డైనింగ్ టేబుల్‌పై కూర్చున్న వారికి మిసెస్ బిగ్ బాస్ (బిగ్ బాస్ భార్య) మీకోసం లంచ్ ఏర్పాటు చేశారు. మీరు మీ ఫుడ్‌ని ఎంజాయ్ చేయండి అని బిగ్ బాస్ తెలిపాడు. దీంతో వారంత వేడి వేడి చికెన్ బిర్యాని తినేందుకు రెడీ అయ్యారు. మరోవైపు అర్జున్, అమర్‌కు ముఖ్యమైన పని అప్పజెపుతున్నట్లు బిగ్ బాస్ చెప్పాడు.

హౌజ్‌లో ఫుడ్ ఎక్కవగా వేస్ట్ చేయడమే కాకుండా తప్పుగా వినియోగిస్తున్నారని బిగ్ బాస్ గమనించారు. స్టాక్ మొత్తం ఎంత ఉందో, స్టోర్ రూమ్, ఫ్రిడ్జిలో ఉన్నదాంతో పాటు కంటెస్టెంట్స్ వ్యక్తిగతంగా దాచుకున్న ఆహారాన్ని రిజిస్టర్‌లో రాసి సబ్‌మిట్ చేయాల్సిందిగా బిగ్ బాస్ తెలిపాడు. దాంతో అమర్, అర్జున్ అలాగే లెక్కగట్టి రాశారు. తర్వాత వారిద్దరికి పోలీస్ యూనిఫార్మ్ ఇచ్చి ఇన్వెస్టిగేటివ్ ఆఫీసర్స్‌గా వ్యవహరించాలని చెప్పాడు బిగ్ బాస్.

ఆ గెటప్ వేసుకుని స్టోర్ రూమ్‌లో శబ్దం చేయకుండా సైలెంట్‌గా ఉండమని ఆదేశించాడు బిగ్ బాస్. మిగతా కంటెస్టెంట్స్ భోజనం చేసిన తర్వాత సాంగ్స్ ప్లే అయితే.. స్టెప్పులేశారు. అనంతరం ఒక అరుపు వినిపించింది. దాంతో హౌజ్‌మేట్స్ బయటకు వచ్చి చూసేసరికి అక్కడ మూడు సమాధులు దర్శనం ఇచ్చాయి. దాంతో కంటెస్టెంట్స్ బిత్తరచూపులు చూశారు.

"మీరందరూ పార్టీలో ఉన్న సమయంలో బిగ్ బాస్ హౌజ్‌లో దారుణమైన హత్య జరిగింది. చనిపోయింది మిసెస్ బిగ్ బాస్. హత్య జరిగే సమయంలో మిసెస్ బిగ్ బాస్ ఒక విలువైన నెక్లెస్ ధరించింది. అది కూడా ఇప్పుడు మాయమైంది. హత్య చేసిన వాళ్లు ఇంకా మీ మధ్యనే ఉన్నారు. వాళ్లు మరిన్ని హత్యలు చేసే అవకాశం ఉంది. అయితే, హత్య జరుగుతున్నప్పుడు క్రైమ్ సీన్‌లో లేని అమర్, అర్జున్ మర్డర్ ఇన్వెస్టిగేట్ చేస్తారు" అని బిగ్ బాస్ తెలిపాడు.