Bigg Boss Telugu: బిగ్ బాస్ ఫైనల్స్‌లోకి నలుగురు.. టికెట్ టు ఫినాలే విన్నర్ ఎవరంటే?

Bigg Boss 7 Telugu Finale Astra Winner: బిగ్ బాస్ 7 తెలుగు హౌజ్‌లో కంటెస్టెంట్లకు పెద్దయ్య టికెట్ టు ఫినాలో పోటీ ఇచ్చిన విషయం తెలిసిందే. దీనికి ఫినాలే ఆస్త్ర అని పేరు పెట్టాడు. ఈ పోటీలో వివిధ టాస్కులు ఉంటాయి. వాటిని గెలుస్తూ కంటెస్టెంట్స్ పాయింట్స్ సంపాదించాలి. అందరికంటే ఎక్కువ పాయింట్స్ గెలుచుకున్నవారు నేరుగా ఫినాలేకు వెళ్లేందుకు అర్హత సాధిస్తారు.

ఇప్పటివరకు టిక్ టిక్ టిక్, ఎత్తరజెండా వంటి అనేక టాస్కులు బాగానే జరిగాయి. ఈ టాస్కుల్లో అతి తక్కువ పాయింట్స్‌తో శోభా, శివాజీ అవుట్ అయ్యారు. అనంతరం ఎత్తర జెండా, గెస్ చేయ్ టాస్కుల్లో ప్రియాంక లీస్ట్ వచ్చింది. దాంతో ఆమె ఎలిమినేట్ అయిపోయింది. ఇక ప్రియాంక తన పాయింట్స్‌ను హౌజ్‌లో అన్నగా భావించే గౌతమ్ కృష్ణకు ఇచ్చేసింది. దీంతో గౌతమ్ నాలుగో స్థానానికి ఎగబాకాడు.

టికెట్ టు ఫినాలే టాస్క్ అదే ఫినాలే ఆస్త్ర స్కోర్ బోర్డ్ వివరాలు చూస్తే.. ఇప్పటివరకు ప్రశాంత్ 3 టాస్క్‌లు, అర్జున్ 3, అమర్ 2 టాస్క్‌లు గెలిచాడు. దీంతో అమర్ మొదటి స్థానంలో, ప్రశాంత్ రెండో స్థానంలో, గౌతమ్ మూడో స్థానంలో, అర్జున్ నాలుగో స్థానంలో ఉన్నారు. నేటి ఎపిసోడ్‌లో ప్రిన్స్ యావర్ కూడా అవుట్ కానున్నాడు. అందుకే ఫినాలే ఆస్త్ర కోసం నలుగురు పోటీ పడుతున్నారు.

అమర్ దీప్‌కు శివాజీ, శోభా పాయింట్స్ ఇవ్వడంతో లీడింగ్‌లోకి వెళ్లిపోయాడు. కొన్ని పాయింట్స్ సాధించడంతో గౌతమ్ మూడో ప్లేస్‌లోకి యావర్ తన పాయింట్స్ ఇవ్వడంతో ప్రశాంత్ రెండో స్థానంలోకి వెళ్లాడు. ఇలా ప్రస్తుతం నలుగు పోటీ పడుతుండగా.. టికెట్ టు ఫినాలే గెలిచే అవకాశాలు ఎక్కువగా అమర్‌కే కనిపిస్తున్నాయి. ఇప్పటివరకు కెప్టెన్ కానీ అమర్ దీప్ మొదటగా టికెట్ టు ఫినాలేలోకి వెళ్లే కంటెస్టెంట్ కానున్నాడని తెలుస్తోంది.